చిత్రం: బేవార్స్ (2018)
రచన : సుద్దాల అశోక్ తేజ
సంగీతం : సునీల్ కశ్యప్
గానం : సునీల్ కశ్యప్
పల్లవి :
తల్లీ తల్లీ నా చిట్టి తల్లి… నా ప్రాణాలే పోయాయమ్మా
నువ్వే లేని లోకాల నేను… శవమల్లే మిగిలానమ్మా…
నా ఇంట నువ్వుంటే మాయమ్మే ఉందంటూ…
ప్రతి రోజు మురిసేనమ్మా..! ఆఆ…
ఏ జన్మలో పాపమే నేను చేశానో… ఈ శిక్షే వేశావమ్మా…
తల్లీ తల్లీ నా చిట్టి తల్లి… నా ప్రాణాలే పోయాయమ్మా
నువ్వే లేని లోకాల నేను… శవమల్లే మిగిలానమ్మా…
ఓఓ ఓఓ ఓఓఓ…
చరణం : 1
పొద్దున్నే పొద్దల్లే నువ్ నాకు ఎదురైతే…
అదృష్టం నాదనుకున్నా…
సాయంత్రం వేళల్లో… నా బ్రతుకు నీడల్లో…
నా దీపం నీవనుకున్నా…
నా వెలుగంతా తీసుకెళ్లి… ఏ చీకట్లో కలిపేశావే…
నా ఆశల్ని మోసుకెళ్లి… ఏ చితిలోన కాల్చేశావే…
తల్లీ తల్లీ నా చిట్టి తల్లి…
తల్లీ తల్లీ నా చిట్టి తల్లి… నా ప్రాణాలే పోయాయమ్మా
నువ్వే లేని లోకాల నేను… శవమల్లే మిగిలానమ్మా…
చరణం : 2
లోకంలో నేనింకా ఏకాకినైనట్టు… శూన్యంలో ఉన్నానమ్మా
చిరుగాలిలో ఊగే ఏ చిగురు కొమ్మైనా… నీలాగే తోచెనమ్మా…
నీ నిశ్శబ్దం నా గుండెల్లో…. జలపాతమయ్యిందమ్మా
ఆ నీలి ఆకాశంలో… ఏ నక్షత్రం అయ్యావమ్మా… ఆ ఆ
తల్లీ తల్లీ నా చిట్టి తల్లి… నా ప్రాణాలే పోయాయమ్మా
నువ్వే లేని లోకాల నేను… శవమల్లే మిగిలానమ్మా…
కామెంట్‌లు లేవు:
కామెంట్‌ను పోస్ట్ చేయండి