Badi Panthulu : Bharata Mataku Jejelu Song Lyrics (భారత మాతకు జేజేలు)

చిత్రం: బడి పంతులు (1972)

సాహిత్యం: ఆచార్య ఆత్రేయ

గానం: ఘంటసాల

సంగీతం: కె. వి. మహాదేవన్

పల్లవి :

భారత మాతకు జేజేలు బంగరు భూమికి జేజేలు
భారత మాతకు జేజేలు బంగరు భూమికి జేజేలు
ఆసేతు హిమాచల సస్యశ్యామల జీవధాత్రికి జేజేలు
ఆసేతు హిమాచల సస్యశ్యామల జీవధాత్రికి జేజేలు
భారత మాతకు జేజేలు బంగరు భూమికి జేజేలు

చరణం : 1

త్రివేణి సంగమ పవిత్రభూమి నాల్గు వేదములు పుట్టిన భూమి
గీతామృతమును పంచిన భూమి పంచశీల బోధించిన భూమి
పంచశీల బోధించిన భూమి
భారత మాతకు జేజేలు బంగరు భూమికి జేజేలు

చరణం : 2

శాంతిదూతగా వెలసిన బాపూ జాతి రత్నమై వెలిగిన వెహ్రూ
శాంతిదూతగా వెలసిన బాపూ జాతి రత్నమై వెలిగిన వెహ్రూ
విప్లవ వీరులు వీర మాతలు …
విప్లవ వీరులు వీర మాతలు …
ముద్దుబిడ్డలై మురిసే భూమి ..
భారత మాతకు జేజేలు బంగరు భూమికి జేజేలు

చరణం : 3

సహజీవనము సమభావనము మనతా వాదము వేదముగా
ప్రజా క్షేమము ప్రగతి మార్గము లక్ష్యములైన విలక్షణ భూమి
లక్ష్యములైన విలక్షణ భూమి
భారత మాతకు జేజేలు బంగరు భూమికి జేజేలు
ఆసేతు హిమాచల సస్యశ్యామల జీవధాత్రికి జేజేలు
భారత మాతకు జేజేలు బంగరు భూమికి జేజేల

Badi Panthulu : Boochaadammaa Boochaadu Song Lyrics (బూచాడమ్మా...బూచాడు...)

చిత్రం: బడి పంతులు (1972)

సాహిత్యం: ఆచార్య ఆత్రేయ

గానం: పి. సుశీల

సంగీతం: కె. వి. మహాదేవన్

పల్లవి :

బూచాడమ్మా...బూచాడు...బుల్లి పెట్టె లొ వున్నాడు... 
బూచాడమ్మా...బూచాడు...బుల్లి పెట్టె లొ వున్నాడు... 
కళ్ళకెపుడు కనపడడు కబురులెన్నో చెపుతాడు
బూచాడమ్మా...బూచాడు...బుల్లి పెట్టె లొ వున్నాడు... 

చరణం : 1

కుర్ కుర్ మంటూ గోలెడతాడు..హెల్లో అని మొదలెడతాడూ...
కుర్ కుర్ మంటూ గోలెడతాడు..హెల్లో అని మొదలెడతాడూ...
ఎక్కడ వున్న ఎవ్వరినైనా..ఎక్కడ వున్న ఎవ్వరినైనా..
పలుకరించి కలుపుతాడు
బూచాడమ్మా...బూచాడు...బుల్లి పెట్టె లొ వున్నాడు... 

చరణం : 2

తెలుగు తమిళ హిందీ కన్నడ భాషా బేధాలెరుగని వాడూ 
తెలుగు తమిళ హిందీ కన్నడ భాషా బేధాలెరుగని వాడూ 
కులము మతము జాతేదైనా...కులము మతము జాతేదైనా
గుండెలు గొంతులు ఒకటంటాడు
బూచాడమ్మా...బూచాడు...బుల్లి పెట్టె లొ వున్నాడు... 

చరణం : 3

డిల్లీ మద్రాస్ హైద్రాబాద్ రష్యా అమెరికా లండన్ జపాన్
ఎక్కడికైనా వెళుతుంటాడు ఎల్లలు మనసుకు లేవంటాడు..
డిల్లీ మద్రాస్ హైద్రాబాద్ రష్యా అమెరికా లండన్ జపాన్
ఎక్కడికైనా వెళుతుంటాడు ఎల్లలు మనసుకు లేవంటాడు..
ఒకే తీగ పై నడిపిస్తాడు... ఒకే ప్రపంచం అనిపిస్తాడు
బూచాడమ్మా...బూచాడు...బుల్లి పెట్టె లొ వున్నాడు... 

Badi Panthulu : Mee Nagumomu Song Lyrics (మీ నగుమోము)

చిత్రం: బడి పంతులు (1972)

సాహిత్యం: ఆచార్య ఆత్రేయ

గానం: పి. సుశీల

సంగీతం: కె. వి. మహాదేవన్

పల్లవి :

మీ నగుమోము నా కనులార కడదాక కననిండు
మీ నగుమోము నా కనులార కడదాక కననిండు
ఈ సూత్రముతో ఈ కుంకుమతో నను కడతేరి పోనిండు
మీ నగుమోము నా కనులార కడ దాక కననిండు

చరణం : 1

ఉపచారలే చేసితినో ఎరగక అపచారాలే చేసితినో
ఉపచారలే చేసితినో ఎరగక అపచారాలే చేసితినో
ఒడి దుడుకులలో తోడై ఉంటిని మీ అడుగున అడుగై నడిసితిని
మీ నగుమోము నా కనులార కడదాక కననిండు

చరణం : 2

రెక్కలు వొచ్చి పిల్లలు వెళ్ళారు రెక్కలు అలిసి మీరున్నారు
రెక్కలు వొచ్చి పిల్లలు వెళ్ళారు రెక్కలు అలిసి మీరున్నారు
పండుటాకులము మిగిలితిమి పండుటాకులము మిగిలితిమి
ఇంకెన్ని పండుగలు చూడనుంటిమి
మీ నగుమోము నా కనులార కడదాక కననిండు

చరణం : 3

ఏ నోములు నే నోచితినో ఈదేవుని పతిగా పొందితిని
ఏ నోములు నే నోచితినో ఈదేవుని పతిగా పొందితిని
ప్రతిజన్మ మీ సన్నిధిలోన ప్రమిదగ వెలిగే వరమడిగితిని
మీ నగుమోము నా కనులార కడదాక కననిండు
ఈ సూత్రముతో ఈ కుంకుమతో నను కడతేరి పో

Badi Panthulu : Pillalamu Badi Pillalamu Song Lyrics (పిల్లలము బడి పిల్లలము)

చిత్రం: బడి పంతులు (1972)

సాహిత్యం: ఆచార్య ఆత్రేయ

గానం: పి. సుశీల

సంగీతం: కె. వి. మహాదేవన్

పల్లవి :

పిల్లలము బడి పిల్లలము
పిల్లలము బడి పిల్లలము
నడుములు కట్టి కలిశాము పిడికిలి బిగించి కదిలాము
పిల్లలము బడి పిల్లలము

చరణం : 1

పలక బలపం పట్టిన చేతులు పలుగు పార ఎత్తినవి పలుగు పార ఎత్తినవి
పలక బలపం పట్టిన చేతులు పలుగు పార ఎత్తినవి
ఓనమాలను దిద్దిన వేళ్ళు ఒకటై మట్టిని కలిపినవి
ఒకటై మట్టిని కలిపినవి
పిల్లలము బడి పిల్లలము

చరణం : 2

ప్రతి అణువు మా భక్తికి గుర్తు ప్రతి రాయి మా శక్తికి గుర్తు
ప్రతి అణువు మా భక్తికి గుర్తు ప్రతి రాయి మా శక్తికి గుర్తు
చేతులు కలిపి చెమటతో తడిపి
చేతులు కలిపి చెమటతో తడిపి
కోవెల కడదాం గురుదేవునికి
పిల్లలము పిల్లలము బడి పిల్లలము బడి పిల్లలము

చరణం : 3

తెలియని వాళ్ళకు తెలివిగల వాళ్ళకు
తెరిచుంటవి ఈ ఇంటి తలుపులు తెరిచుంటవి ఈ ఇంటి తలుపులు
తెలియని వాళ్ళకు తెలివిగల వాళ్ళకు
తెరిచుంటవి ఈ ఇంటి తలుపులు తెరిచుంటవి ఈ ఇంటి తలుపులు
వెలుగును ఇచ్చే ఈ కిటికీలు పంతులు గారి చల్లని కళ్ళు
వెలుగును ఇచ్చే ఈ కిటికీలు పంతులు గారి చల్లని కళ్ళు
పిల్లలము పిల్లలము బడి పిల్లలము బడి పిల్లలము
నడుములు కట్టి కలిశాము పిడికిలి బిగించి కదిలాము
పిల్లలము బడి పిల్లలము ల లాలా లా లా లా

Badi Panthulu : Yeda Baatu Yerugani Song Lyrics (ఎడబాటు ఎరుగని)

చిత్రం: బడి పంతులు (1972)

సాహిత్యం: దాశరధి

గానం: ఘంటసాల

సంగీతం: కె. వి. మహాదేవన్

పల్లవి :

ఎడబాటు ఎరుగని పుణ్య దంపతుల

విడదీసింది విధి నేడు
ఎడబాటు ఎరుగని పుణ్య దంపతుల

విడదీసింది విధి నేడు
తోడు నీడగా వుండే వయసున గూడు విడిచి

వేరైనారు గూడు విడిచి వేరైనారు
ఎడబాటు ఎరుగని పుణ్య దంపతుల

విడదీసింది విధి నేడు

చరణం : 1

జంటను వీడిన ఒంటరి బ్రతుకై

జాలిగ కుమిలేరు
జంటను వీడిన ఒంటరి బ్రతుకై

జాలిగ కుమిలేరు
ఎదలోదాగిన మూగ వేదన

ఎవరికి చెప్పేరు ఎలా భరించేరు
ఎడబాటు ఎరుగని పుణ్య దంపతుల

విడదీసింది విధి నేడు

చరణం : 2

ఒకే తనువుగ ఒకే మనువుగా

ఆ దంపతులు జీవించారు
ఒకే తనువుగ ఒకే మనువుగ

ఆ దంపతులు జీవించారు
ఆస్తిపాస్తివలె అన్నదమ్ములు

ఆ తలిదండ్రుల పంచారు ఆ తలిదండ్రుల పంచారు
ఎడబాటు ఎరుగని పుణ్య దంపతుల

విడదీసింది విధి నేడు

Badi Panthulu : Ninna Monna Song Lyrics (నిన్న మొన్న రేకు )

చిత్రం: బడి పంతులు (1972)

సాహిత్యం: సముద్రాల

గానం: ఘంటసాల, పి. సుశీల

సంగీతం: కె. వి. మహాదేవన్

పల్లవి :

నిన్న మొన్న రేకు విప్పిన లేత మొగ్గా
నీకు అంతలోనె నన్ను చూస్తె ఇంత సిగ్గా
నిన్న మొన్న రెక్కలొచిన గండు తుమ్మెద
నీకు అంతలోనె నన్ను చూస్తె ఇంత తొందరా 
నిన్న మొన్న రేకు విప్పిన లేత మొగ్గా

చరణం : 1

పరికిణీలు కట్టినపుడు లేని సొగసులు
నీ పైట కొంగు చాటున దోబూచులాడెను ||2||
పసితనాన ఆడుకొన్న తొక్కుడు బిళ్ళలు
నీ పరువానికి నేర్పినవి దుడుకు కోర్కెలు ||2|
నిన్న మొన్న రేకు విప్పిన లేత మొగ్గా

చరణం : 2

పాల బుగ్గలు పూచె లేత కెంపులు
వాలు చూపులందుతోటె వయసు జోరులు ||2||
చిరుత నవ్వులు ఒలికె చిలిపితనాలు
చిన్ననాటి చెలిమి తీసె వలపు దారులు ||2|||
నిన్న మొన్న రేకు విప్పిన లేత మొగ్గా

చరణం : 3

ఇన్నాళ్ళు కళ్ళు కళ్ళు కలిపి చూస్తివి
ఇపుడేల రెప్పలలా రెపరెపన్నవి ||2||
ఇన్నాళ్ళు నీ కళ్ళు ఊరుకున్నవి ఇపుడేవేవో
ఇపుడేవేవో మూగబాస లాడుతున్నవి ||2||
నిన్న మొన్న రేకు విప్పిన లేత మొగ్గా