చిత్రం: జయభేరి (1959)
రచన: ఆరుద్ర
గానం: ఘంటసాల
సంగీతం: పెండ్యాల
పల్లవి:
అధికులనీ.. అధములని... నరుని దృష్టిలోనే భేదాలు
శివుని దృష్టిలో... అంతా సమానురే.... ఏ... ఏ... ఏ... ఏ..
నందుని చరితము వినుమా.. ఆ.. ఆ..
పరమానందము గనుమా.. ఆ.. ఆ
పరమానందము గనుమా..ఆ..
నందుని చరితము వినుమా.. ఆ.. ఆ
పరమానందము గనుమా... ఆ... ఆ
పరమానందము గనుమా...
చరణం 1:
ఆదనూరులో మాలవాడలో....
ఆదనూరులో... మాలవాడలో... పేదవాడుగా జనియించి
చిదంబరేశ్వరుని పదాంబుజములే మదిలో నిలిపి కొలిచేను...
నందుని చరితము వినుమా.. ఆ.. ఆ
పరమానందము గనుమా... ఆ... ఆ
పరమానందము గనుమా...
చరణం 2:
తన యజమానుని ఆనతి వేడెను... శివుని చూడగా మనసు పడి
తన యజమానుని ఆనతి వేడెను... శివుని చూడగా మనసు పడి
పొలాల సేద్యము.. ముగించి రమ్మని...
పొలాల సేద్యము... ముగించి రమ్మని
గడువే విధించె యజమాని...
యజమాని ఆనతిచ్చిన గడువులో...
ఏ రీతి పొలము పండిచుటో ఎరుగక..
అలమటించు తన భక్తుని కార్యము...
ఆ శివుడే నెరవేర్చె... ఏ... ఏ.. ఏ.. ఏ...
పరుగున పోయెను చిదంబరానికి... భక్తుడు నందుడు ఆత్రమున
పరుగున పోయెను చిదంబరానికి... భక్తుడు నందుడు ఆత్రమున
చిదంబరములో శివుని దర్శనం... చేయగరాదనె పూజారి...
ఆశాభంగము పొందిన నందుడు... ఆ గుడి ముందే మూర్చిల్లె
అంతట శివుడే అతనిని బ్రోచి... పరంజ్యోతిగా వెలయించె...
