చిత్రం: రాజపుత్ర రహస్యం (1978)
సాహిత్యం: వేటూరి సుందరరామ మూర్తి
గానం: ఎస్.జానకి, పి. సుశీల
సంగీతం: కె.వి. మహదేవన్
పల్లవి :
దిక్కులెన్ని దాటాడో... సుందరాంగుడు
చుక్కలెన్ని మీటాడో... గ్రంధసాంగుడు
దిక్కులెన్ని దాటాడో... సుందరాంగుడు
చుక్కలెన్ని మీటాడో... గ్రంధసాంగుడు
సరస మధుర శృంగార నాయకుడు నావాడే
అప్సరసల తనులతా వైణికుడు నావాడే
నవ మదనుడు రసపురుషుడు.. ఈ మానవుడు మనవాడే
దిక్కులెన్ని దాటాడో సుందరాంగుడు
చరణం 1 :
నరుడైన సురుడల్లే తోచినాడే... పెదవుల్లో సుధలెన్నో దాచినాడే
భువి నుంచి దివి దాకా వచ్చినాడే... ఎదిగెదిగి ఎద దాటి పోయినాడే
క్షణమైన చాలే ఆ కౌగిలి... అమృతాధరుడైన అతనెంగిలి
క్షణమైన చాలే ఆ కౌగిలి... అమృతాధరుడైన అతనెంగిలి
కృతి లేని బ్రతుకే శృతిలేని వీణ
మనసున్న మనిషే మనకన్న మిన్న
దిక్కులెన్ని దాటాడో... సుందరాంగుడు
చుక్కలెన్ని మీటాడో... గ్రంధసాంగుడు
దిక్కులెన్ని దాటాడో... సుందరాంగుడు
చరణం 2 :
విరహంలో మోహాలే తెచ్చినాడే... విరిశయ్య దాహాలే పెంచినాడే
మన్మధుడే మానవుడై పుట్టినాడే... స్వర్గంలో దేవతగా మెట్టినాడే
ఏమివ్వగలదాన నీ నరునికి... ఏమివ్వగల నీ మనోహరునికి
ఏమివ్వగలదాన నీ నరునికి... ఏమివ్వగల నీ మనోహరునికి
కృతి లేని బ్రతుకే శృతిలేని వీణ
మనసున్న మనిషే మనకన్న మిన్న
దిక్కులెన్ని దాటాడో... సుందరాంగుడు
చుక్కలెన్ని మీటాడో...గ్రంధసాంగుడు
దిక్కులెన్ని దాటాడో... సుందరాంగుడు
సుందరాంగుడు... గ్రంధసాంగుడు
సుందరాంగుడు... గ్రంధసాంగుడు
