చిత్రం: నా ఆటోగ్రాఫ్ (2004)
రచన: చంద్రబోస్
గానం: యస్.పి.బాలసుబ్రహ్మణ్యం , శ్రీవర్ధిని, పూర్ణిమ
సంగీతం: ఎం. ఎం. కీరవాణి
గామా గామా హంగామా
మనమే హాయి చిరునామా
పాత బాధ గదిని ఖాళీ చేద్దామా
గామా గామా హంగామా
కష్టం ఖర్చు పెడదామా
కొత్త సంతోషం జమ చేద్దామా ...గామా
నీ రాకతో రాయిలాంటి
నా జీవితానికే జీవం వచ్చింది
నీ చూపుతో జీవం వచ్చిన రాయే
చక్కని శిల్పం అయ్యింది
చేయూతతో శిల్పం కాస్తా
నడకలు నేర్చి కోవెల చేరింది
నీ నవ్వుతో కోవెల చేరిన శిల్పంలోన
కోరిక కలిగింది
ఆ కోరికేమిటో చెప్పని
నను వీడి నువ్వు వెళ్లొద్దని
మళ్లీ రాయిని
చెయ్యొద్దని... ...గామా....
నీ మాటతో నాపై నాకే ఏదో తెలియని
నమ్మకమొచ్చింది
నీ స్ఫూర్తితో ఎంతో ఎంతో
సాధించాలని తపనే పెరిగింది
నీ చెలిమితో ఊహల్లోన ఊరిస్తున్న
గెలుపే అందింది
ఆ గెలుపుతో నిస్పృహలోన
నిదురిస్తున్న మనసే మురిసింది
ఆ మనసు అలసి పోరాదని
ఈ చెలిమి నిలిచిపోవాలని
ఇలా బ్రతుకును గెలవాలని... ... గామా ....
కామెంట్‌లు లేవు:
కామెంట్‌ను పోస్ట్ చేయండి