Subhakankshalu : Ananda Ananda Maye (Male) (ఆనందమానందమాయే)

చిత్రం: శుభాకాంక్షలు (1998)

సంగీతం: కోటి

సాహిత్యం: సామవేదం షణ్ముఖశర్మ

గానం: బాలసుబ్రహ్మణ్యం

ఆనందమానందమాయే మది ఆశల నందనమాయే

ఆనందమానందమాయే మది ఆశల నందనమాయే

మాటలు చాలని హాయే ఒక పాటగ మారినమాయే

కాలమే పూలదారి సాగనీ...

గానమే గాలిలాగ తాకనీ...

ఈ స్వరం నాదిగా ఈ క్షణం పలికెనని

ఆనందమానందమాయే మది ఆశల నందనమాయే

మాటలు చాలని హాయే ఒక పాటగ మారినమాయే

చరణం 1:

నువ్వు నడచు దారుల్లో పూలు పరచి నిలుచున్నా

అడుగు పడితె గుండెల్లో కొత్త సడిని వింటున్నా

నీలి కళ్ళ ముంగిట్లో నన్ను నేను కనుగొన్నా

నిండు గుండె గుమ్మంలో తోరణంగ నేనున్నా

నీవైపే సాగే అడుగే నీతో నడవాలని అడిగే

నీ మాటే పలికే స్వరమే నీతోనే కలిసే వరమే

వేణువంటి నా హృదయంలో ఊపిరి పాటై పాడగా

ఆనందమానందమాయే మది ఆశల నందనమాయే

మాటలు చాలని హాయే ఒక పాటగ మారినమాయే

చరణం 2:

రాగమాల రమ్మంటూ స్వాగతాలు పలికింది

ఆగలేని వేగంలో ఆశ అడుగు వేసింది

జతగ నీవు చేరాకే బ్రతుకు తీపి తెలిసింది

రెప్పచాటు లోకంలో కలల కోన కదిలింది

మనసంతా హాయిని మోసి నీకోసం ప్రేమను దాచి

రాగాలే రాశులు పోసి ఈ గీతం కానుక చేసి

శుభాకాంక్షలే పలకాలి నవ్వుల పువ్వుల మాలతో

ఆనందమానందమాయే మది ఆశల నందనమాయే

మాటలు చాలని హాయే ఒక పాటగ మారినమాయే

మాటలు చాలని హాయే ఒక పాటగ మారినమాయే

కాలమే పూలదారి సాగనీ...

గానమే గాలిలాగ తాకనీ...

ఈ స్వరం నాదిగా ఈ క్షణం పలికెనని

ఆనందమానందమాయే మది ఆశల నందనమాయే

మాటలు చాలని హాయే ఒక పాటగ మారినమాయే