Chantabbai : Utharana Levandi Druvanakshatram Song Lyrics (ఉత్తరాన లేవంది)

చిత్రం:చంటబ్బాయి (1986)

రచన: వేటూరి

గానం: ఎస్. పి. బాలసుబ్రహ్మణ్యం , పి.సుశీల

సంగీతం: కె. చక్రవర్తి

పల్లవి :

....ఆ ఆహా హ హ ఆ

ఉత్తరాన లేవంది ధృవనక్షత్రం దక్షిణాన లేవంది మలయపర్వతం నింగిలేని తారకా .. నీవెక్కడా .. నీ వెక్కడా చెప్పవే నీ చిరునామా .. చెప్పవే నీ చిరునామా ! ఉత్తరాన లేవంది ధృవనక్షత్రం దక్షిణాన లేవంది మలయపర్వతం

చరణం : 1

చుక్కపాపనడిగాను వెన్నెలమ్మ ఏదనీ పిల్లగాలినడిగాను పూలకొమ్మ ఏదనీ జాణవున్న తావునే జాజిమల్లి తావులు ప్రాణమున్న చోటుకే పరుగులెత్తు ఆశలూ వెతికాయీ నీ చిరునామా.. వెతికాయీ నీ చిరునామా.. తెలుపరాదటే ఓ ప్రియభామా ! ఉత్తరాన లేవంది ధృవనక్షత్రం దక్షిణాన లేవంది మలయపర్వతం

చరణం : 2

ఈ నిశీధి వీధిలో బాటసారినై ఈ విశాల జగతిలో బ్రహ్మచారినై నీ దర్శన భాగ్యమే కోరుకున్న కనులతో నీ సన్నిధి కోసమే బ్రతుకుతున్న కలలతో వెతికానూ నీ చిరునామా.. వెతికానూ నీ చిరునామా.. తెలుపరాదటే ఓ ప్రియభామా ! ఉత్తరాన లేవంది ధృవనక్షత్రం దక్షిణాన లేవంది మలయపర్వతం నింగిలేని తారకా .. నీవెక్కడా .. నీ వెక్కడా చెప్పవే నీ చిరునామా .. చెప్పవే నీ చిరునామా !