Gokulamlo Seetha : Gokula Krishna Gopala Krishna Song Lyrics (గోకుల కృష్ణా గోపాల కృష్ణా )

చిత్రం: గోకులంలో సీత (1997)

సాహిత్యం: సిరివెన్నెల సీతారామ శాస్త్రి

గానం: కె. ఎస్. చిత్ర, యస్.పి.బాలసుబ్రహ్మణ్యం

సంగీతం: కోటి

పల్లవి :

ఘల్లు ఘల్లుమని మువ్వా సవ్వడుల ముద్దు బాలుడేవారే వెన్న కొల్లగొను కృష్ణ పాదముల ఆనవాలు కనరే ఆ ఆ ఆఆ ఆ ఆ

గోకుల కృష్ణా గోపాల కృష్ణా మాయలు చాలయ్యా మా కన్నులలో దీపాలు వెలిగే పండుగ తేవయ్యా పదుగురి నిందలతో పలుచన కాకయ్యా నిలవని అడుగులతో పరుగులు చాలయ్య జయ కృష్ణ కృష్ణ కృష్ణ కృష్ణ కృష్ణ హరే గోకుల కృష్ణా గోపాల కృష్ణా మాయలు చాలయ్యా మా కన్నులలో దీపాలు వెలిగే పండుగ తేవయ్యా

చరణం : 1 ఏ నోట విన్నా నీ వార్తలేనా కొంటె చేష్టలేలరా కోణంగిలా ఆ.. ఊరంతా చేరి ఏమేమి అన్నా కల్లబొల్లి మాటలే నా రాధికా చెలువల చీరలు దోచినా చిన్నెలు చాలవా ద్రౌపది మానము కాచినా మంచిని చూడవా తెలియని లీలలతో తికమక చేయకయా మనసును చూడకనే మాటలు విసరకలా జయ కృష్ణ కృష్ణ కృష్ణ కృష్ణ కృష్ణ హరే

గోకుల కృష్ణా గోపాల కృష్ణా మాయలు చాలయ్యా మా కన్నులలో దీపాలు వెలిగే పండుగ తేవయ్యా

చరణం : 2

ఆవుల్ని కాచినా ఆటల్లో తేలినా అంతతోనే ఆగెనా ఆ బాలుడు ఆ.. అవతార మూర్తిగా తన మహిమ చాటెగా లోకాల పాలుడు గోపాలుడు తీయని మత్తున ముంచిన మురళీ లోలుడు మాయని దూరము చేసిన గీతాచార్యుడు కనుకనే అతని కధా తరములు నిలిచె కదా తలచిన వారి ఎద తరగని మధుర సుధ జయ కృష్ణ కృష్ణ కృష్ణ కృష్ణ కృష్ణ హరే గోకుల కృష్ణా గోపాల కృష్ణా ఆటలు చాలయ్యా అల్లరి కన్నా ఓ నీలవర్ణా లీలలు మానయ్యా అందెల సందడితో గుండెలు మురిసెనురా నవ్వుల రంగులతో ముంగిలి మెరిసెనురా జయ కృష్ణ కృష్ణ కృష్ణ కృష్ణ కృష్ణ హరే