చిత్రం : అశోక్(2006)
సంగీతం: మణి శర్మ
సాహిత్యం: చంద్రబోస్
గానం: హరిహరన్, శ్రీ వర్ధిని
పల్లవి:
జాబిలికి వెన్నెలలిస్తా మబ్బులకి మెరుపులనిస్తా
పూవులకి పరిమళమిస్తా వాగులకి వరదలనిస్తా
గాజులకి చేతులనిస్తా గజ్జెలకి పాదాలిస్తా
కాటుకకి కన్నులనిస్తా పాటలకి మౌనాలిస్తా
ఊరూ పేరు తెలియని వాటికి ఏవేవో ఇచ్చి
నీకు నా మనసిస్తా మనసులో చోటిస్తా
నీకు నా ముద్దిస్తా ప్రేమనే ముద్రిస్తా
నీకు నా మనసిస్తా మనసులో చోటిస్తా
నీకు నా ముద్దిస్తా ప్రేమనే ముద్రిస్తా
నీకు నా ముద్దిస్తా ప్రేమనే ముద్రిస్తా
జాబిలికి వెన్నెలలిస్తా మబ్బులకి మెరుపులనిస్తా
పూవులకి పరిమళమిస్తా వాగులకి వరదలనిస్తా
చరణం 1:
కొత్త సిగ్గు నీకివ్వను నీ అల్లరికిస్తాను
కౌగిలింత నీకివను నీ పొగరుకి ఇస్తాను
కొంటె కబురు నీకివ్వను నీ ఊపిరికిస్తాను
పంటి పదును నీకివ్వను నీ పెదవికి ఇస్తాను
ఇన్నినాళ్ళు దాచుకున్న కన్నెతనం నీకివ్వను
కొన్నినాళ్ళు వేచి ఉన్న నీ కుర్రతనానికి ఇస్తా
నీకు నా చెలిమిస్తా చెలిమిలో చనువిస్తా
కొద్దిగా అలుసిస్తా పూర్తిగా విలువిస్తా
చరణం 2:
వలపు ఎరుపు నీకివ్వను నీ పాపిటకిస్తాను
చిలిపి ముడుపు నీకివ్వను నీ చీకటికిస్తాను
ఎదను ఒలిచి నీకివ్వను నీ దోసిలికిస్తాను
ఎదురుచూపు నీకివ్వను నీ వాకిలికిస్తాను
మండపాన కోరుకున్నా మూడుముళ్ళు నీకివ్వను
గుండెలోన చేరుకున్న నీ ఏడుజన్మలకు ఇస్తా
నీకు నా మనవిస్తా మనువుతో తనువిస్తా
తనువుతో చనువిస్తా తనివినే తీరుస్తా
నీకు నా మనసిస్తా మనసులో చోటిస్తా
నీకు నా ముద్దిస్తా ప్రేమనే ముద్రిస్తా
నీకు నా చెలిమిస్తా చెలిమిలో చనువిస్తా
కొద్దిగా అలుసిస్తా పూర్తిగా విలువిస్తా
కామెంట్‌లు లేవు:
కామెంట్‌ను పోస్ట్ చేయండి