చిత్రం: ఇద్దరు అమ్మాయిలు (1970)
సాహిత్యం: దాశరథి కృష్ణమాచార్య
గానం: పి. సుశీల
సంగీతం: కె.వి. మహదేవన్
పల్లవి :
ఈ చల్లని లోగిలిలో... ఈ బంగరు కోవెలలో
ఆనందం నిండాలి... అనురాగం పండాలి... అనురాగం పండాలి
ఈ చల్లని లోగిలిలో... ఈ బంగరు కోవెలలో
ఆనందం నిండాలి... అనురాగం పండాలి ... అనురాగం పండాలి
ఈ చల్లని లోగిలిలో...
చరణం 1 :
పిల్లల పాపల అల్లరితో... ఈ ఇల్లంతా విలసిల్లాలి
పిల్లల పాపల అల్లరితో... ఈ ఇల్లంతా విలసిల్లాలి
పసుపు కుంకుమ కొల్లలుగా...
పసుపు కుంకుమ కొల్లలుగా... ఈ పచ్చని ముంగిట కురవాలి
ఈ చల్లని లోగిలిలో ....
చరణం 2 :
శుభముల నొసగే ఈ మందిరము... శాంతికి నిలయం కావాలి
శుభముల నొసగే ఈ మందిరము... శాంతికి నిలయం కావాలి
లక్ష్మి.. సరస్వతి పొందికగా ... ఈ ఇంటను కాపురం వుండాలి
ఈ ఇంటను కాపురం వుండాలి ....
ఈ చల్లని లోగిలిలో ....
చరణం 3 :
ఇల్లాలే శ్రీ అన్నపూర్ణగా.... ప్రతి రోజు ఒక పండుగగా
ఇల్లాలే శ్రీ అన్నపూర్ణగా.... ప్రతి రోజు ఒక పండుగగా
వచ్చే పోయే అతిధులతో....
వచ్చే పోయే అతిధులతో... మీ వాకిలి కళకళ లాడాలి
మీ వాకిలి కళకళ లాడాలి
ఈ చల్లని లోగిలిలో.... ఈ బంగరు కోవెలలో
ఆనందం నిండాలి... అనురాగం పండాలి... అనురాగం పండాలి
కామెంట్‌లు లేవు:
కామెంట్‌ను పోస్ట్ చేయండి