Nireekshana : Thiyani Danimma Song Lyrics (తియ్యన్ని దానిమ్మ కొమ్మల్లోనంట)

చిత్రం: నిరీక్షణ (1986)

రచన: ఆచార్య ఆత్రేయ

గానం: ఎస్. పి. బాలసుబ్రహ్మణ్యం , ఎస్. పి. శైలజ

సంగీతం: ఇళయ రాజా

పల్లవి :

తియ్యన్ని దానిమ్మ కొమ్మల్లోనంట చిన్నారి పొన్నారి చిలకల్ల జంట చేస్తున్న కమ్మని కాపురము చూస్తున్న కన్నుల సంబరము ప్రేమకు మందిరము తియ్యన్ని దానిమ్మ కొమ్మల్లోనంట చిన్నారి పొన్నారి చిలకల్ల జంట చేస్తున్న కమ్మని కాపురము చూస్తున్న కన్నుల సంబరము ప్రేమకు మందిరము తియ్యన్ని దానిమ్మ కొమ్మల్లోనంట చిన్నారి పొన్నారి చిలకల్ల జంట

చరణం : 1

ఒకదేహం ఒకప్రాణం తమ స్నేహంగా సమభావం సమభాగం తమ పొందుగా చిలకమ్మ నెయ్యాలే ఉయ్యాలగా చెలికాని సరసాలే జంపాలగా అనురాగం ఆనందం అందాలుగా అందాల స్వప్నాలే స్వర్గాలుగా ఎడబాసి మనలేని హృదయాలుగా ముడిపడ్డ ఆ జంట తొలిసారిగా గూడల్లుకోగా పుల్లల్లు తేగా చెలికాడు ఎటకో పోగా అయ్యో... పాపం... వేచెను చిలకమ్మ తియ్యన్ని దానిమ్మ కొమ్మల్లోనంట చిన్నారి పొన్నారి చిలకల్ల జంట

చరణం : 2

ఒక వేటగాడెందో వల పన్నగా తిరుగాడు రాచిలుక గమనించక వలలోన పడి తాను అల్లాడగా చిలకమ్మ చెలికాని సడి కానక కన్నీరు మున్నీరై విలపించగా ఇన్నాళ్ళ కలలన్నీ కరిగించగా ఎలుగెత్తి ప్రియురాలు రోదించగా వినలేని ప్రియుడేమో తపియించగా అడివంతా నాడు ఆ జంట గోడు వినలేక మూగైపోగా అయ్యో... పాపం... వేచెను చిలకమ్మ తియ్యన్ని దానిమ్మ కొమ్మల్లోనంట చిన్నారి పొన్నారి చిలకల్ల జంట చేస్తున్న కమ్మని కాపురము చూస్తున్న కన్నుల సంబరము ప్రేమకు మందిరము తియ్యన్ని దానిమ్మ కొమ్మల్లోనంట చిన్నారి పొన్నారి చిలకల్ల జంట

Nireekshana : Aakasam Yenatido Song Lyrics (ఆకాశం ఏనాటిదో)

చిత్రం: నిరీక్షణ (1986)

రచన: ఆచార్య ఆత్రేయ

గానం: ఎస్.జానకి

సంగీతం: ఇళయ రాజా

పల్లవి :

లాలలా..లాలాలల..లాలలా..లాలాలల ఆకాశం ఏనాటిదో అనురాగం ఆనాటిది ఆకాశం ఏనాటిదో అనురాగం ఆనాటిది ఆవేశం ఏనాడు కలిగెనో ఆనాడే తెలిసిందది ఆవేశం ఏనాడు కలిగెనో ఆనాడే తెలిసిందది ఆకాశం ఏనాటిదో అనురాగం ఆనాటిది ఆకాశం ఏనాటిదో అనురాగం ఆనాటిదీ

చరణం : 1

ల లా లా లా లా... లా లా లా ఆ..లా లా ఏ పువ్వూ ఏ తేటిదన్నది ఏనాడో రాసున్నదీ ఏ ముద్దూ ఏ మోవిదన్నది ఏ పొద్దో రాసున్నదీ బంధాలై పెనవేయు వయసుకు అందాలే దాసోహమనగా మందారం విరబూయు పెదవులు మధువులనే చవిచూడమనగా పరువాలే..ప్రణయాలై.. స్వప్నాలే...స్వర్గాలై... ఎన్నెన్నో శృంగార లీలలు కన్నుల్లో రంగేళి అలదెను ఆకాశం ఏనాటిదో అనురాగం ఆనాటిది ఆవేశం ఏనాడు కలిగెనో ఆనాడే తెలిసిందది ఆకాశం ఏనాటిదో అనురాగం ఆనాటిది

చరణం : 2

ఏ మేఘం ఏ వాన చినుకై చిగురాకై మొలకెత్తెనో ఏ రాగం ఏ గుండెలోతున ఏ గీతం పలికించెనో హృదయాలే తెరతీసి తనువుల కలబోసీ మరపించమనగ కౌగిలిలో చెరవేసి మదనుని కరిగించీ గెలిపించమనగ మోహాలే.. దాహాలై....సరసాలే.. సరదాలై కాలాన్నే నిలవేసి కలలకు ఇవ్వాలీ వెలలేని విలువలు ఆకాశం ఏనాటిదో అనురాగం ఆనాటిది ఆవేశం ఏనాడు కలిగెనో ఆనాడే తెలిసిందది లాల్లాల.లలలల.లాలాల లలలాల.. లాల్ల..లలలల..లాల్లాలా లలలాల..

Nireekshana : Chukkalle Thochave Song Lyrics (సుక్కల్లే తోచావే)

చిత్రం: నిరీక్షణ (1986)

రచన: ఆచార్య ఆత్రేయ

గానం: K.J.ఏసుదాస్

సంగీతం: ఇళయరాజా

సుక్కల్లే తోచావే ఎన్నెల్లే కాచావే ఏడ బోయావే ఇన్ని ఏల సుక్కల్లో నిన్ను నేనెతికానే ఇన్ని ఏల సుక్కల్లో నిన్ను నేనెతికానే సుక్కల్లే తోచావే ఎన్నెల్లే కాచావే ఏడ బోయావే పూసిందే ఆ పూలమాను నీ దీపంలో కాగిందే నా పేద గుండె నీ తాపంలో ఊగానే నీ పాటలో ఉయ్యాలై ఉన్నానే ఈనాటికీ నేస్తాన్నై ఉన్నా ఉన్నాదొక దూరం ఎన్నాళ్ళకు చేరం తీరందీ నేరం సుక్కల్లే తోచావే ఎన్నెల్లే కాచావే ఏడ బోయావే తానాలే చేశాను నేను నీ స్నేహంలో ప్రాణాలే దాచావు నీవు నా మోహంలో ఆనాటి నీ కళ్ళలో నా కళ్ళే ఈనాటి నా కళ్ళలో కన్నీళ్ళే ఉందా కన్నీళ్ళకు అర్థం ఇన్నేళ్ళుగ వ్యర్థం చట్టందే రాజ్యం సుక్కల్లే తోచావే ఎన్నెల్లే కాచావే ఏడ బోయావే ఇన్ని ఏల సుక్కల్లో నిన్ను నేనెతికానే ఇన్ని ఏల సుక్కల్లో నిన్ను నేనెతికానే సుక్కల్లే తోచావే ఎన్నెల్లే కాచావే ఏడ బోయావే