Seetha Maalaxmi : Maavi Chiguru tinagaane song lyrics (మావి చిగురు తినగానే..)

చిత్రం : సీతామాలక్ష్మి (1978)

సంగీతం : కే. వి. మహదేవన్

సాహిత్యం : దేవులపల్లి కృష్ణశాస్త్రి

గానం: యస్.పి.బాలసుబ్రహ్మణ్యం,పి. సుశీల

M : మావి చిగురు తినగానే.. కోవిల పలికేనా

F : మావి చిగురు తినగానే.. కోవిల పలికేనా...

M : కోవిల గొంతు వినగానే మావి చిగురు తొడిగేనా

F : కోవిల గొంతు వినగానే మావి చిగురు తొడిగేనా

M : ఏమో ఏమనునో గాని ఆమని ఈ వని

F : మావి చిగురు తినగానే కోవిల పలికేనా కోవిల పలికేనా..

F : తెమ్మెరతో తారాటలా తుమ్మెదతో సయ్యాటలా తెమ్మెరతో తారాటలా     తుమ్మెదతో సయ్యాటలా     తారాటలా సయ్యాటలా     సయ్యాటలా తారాటలా

M : వన్నెలే కాదు వగలే కాదు      ఎన్ని నేర్చినది మొన్నటి పువ్వు      వన్నెలే కాదు వగలే కాదు     ఎన్ని నేర్చినది మొన్నటి పువ్వు

F బింకాలు బిడియాలు పొంకాలు పోడములు

M : ఏమో ఎవ్వరిదో గాని ఈ విరి గడసరి

F : మావి చిగురు తినగానే కోవిల పలికేనా కోవిల పలికేనా

M: ఒకరి ఒళ్ళు ఉయ్యాలా     వేరొకరి గుండె జంపాల     ఉయ్యాలా జంపాల     జంపాల ఉయ్యాల

F: ఒకరి ఒళ్ళు ఉయ్యాలా     వేరొకరి గుండె జంపాల

M : ఒకరి పెదవి పగడాలో     వేరొకరి కనుల దివిటీలో     ఒకరి పెదవి పగడాలో     వేరొకరి కనుల దివిటీలో

F : పలకరింతలో పులకరింతలో

M : పలకరింతలో పులకరింతలో

F :ఏమో ఏమగునో గాని     ఈ కథ మన కథ

M : మావి చిగురు తినగానే.. కోవిల పలికేనా

F: కోవిల గొంతు వినగానే     మావి చిగురు తొడిగేనా

M:ఏమో ఏమనునో గాని     ఆమని ఈ వని

F:మావి చిగురు తినగానే     కోవిల పలికేనా

Seetha Maalaxmi : Seetalu Singaram Maa Laxmi Bangaram Song Lyrics (సీతాలు సింగారం. మాలచ్చి బంగారం)

చిత్రం : సీతామాలక్ష్మి (1978)

సంగీతం : కే. వి. మహదేవన్

సాహిత్యం : దేవులపల్లి కృష్ణశాస్త్రి

గానం: యస్.పి.బాలసుబ్రహ్మణ్యం,పి. సుశీల

సీతాలు సింగారం. మాలచ్చి బంగారం. సీతామాలచ్చిమంటే శ్రీలచ్చిమవతారం. సీతాలు సింగారం. మాలచ్చి బంగారం సీతామాలచ్చిమంటే. శ్రీలచ్చిమవతారం మనసున్న మందారం. మనిషంతా బంగారం. బంగారు కొండయ్యంటే. భగవంతుడవతారం మనసున్న మందారం. మనిషంతా బంగారం. బంగారు కొండయ్యంటే. భగవంతుడవతారం. సీతాలు సింగారం.ఊమ్మ్... కూసంత నవ్విందంటే పున్నమి కావాల... ఐతే నవ్వనులే.ఏ.ఏ కాసంత చూసిందంటే కడలే పొంగాల... ఇక చూడనులే .ఏ. ఏ కూసంత నవ్విందంటే పున్నమి కావాల. కాసంత చూసిందంటే కడలే పొంగాల. ఎండితెర మీద పుత్తడి బొమ్మ ఎలగాల ఎదగాల ఆ ఎదుగు బొదుగు ఎలుగు కన్నుల ఎన్నెల కాయాల. నువ్వంటుంటే. నేవింటుంటే. నూరేళ్ళు నిండాల... ఆ. సీతాలు సింగారం. మాలచ్చి బంగారం బంగారు కొండయ్యంటే .భగవంతుడవతారం మనసున్న మందారం... ఊమ్మ్... ఊమ్మ్... లలల్లలా.లాలాలాలా.లలలాలా. దాగుడు మూతలు ఆడావంటే దగ్గరకే రాను. ఐతే నేనే వస్తాలే. ఏ. ఏ చక్కలిగింతలు పెట్టావంటే చుక్కై పోతాను. ఎగిరొస్తాలే. ఏ. ఏ. దాగుడు మూతలు ఆడావంటే దగ్గరకే రాను చక్కలిగింతలు పెట్టావంటే చుక్కై పోతాను గుండె గుడిలోన దివ్వెవు నువ్వై వెలిగి... వెలిగించాల నీ వెలుగుకు నీడై. బ్రతుకున తోడై. ఉండిపోవాలా నువ్వంటుంటే. నేవింటుంటే. వెయ్యేళ్ళు బతకాలా . ఆ. సీతాలు సింగారం. మాలచ్చి బంగారం బంగారు కొండయ్యంటే. భగవంతుడవతారం. లలలాల.లలలా.లలలా...