Hello Brother : Priyaraagale Song Lyrics (ప్రియరాగాలే గుండెలోన పొంగుతున్న ఈ వేళ)

చిత్రం: హలో బ్రదర్ (1994)

రచన: భువనచంద్ర

గానం: యస్.పి.బాలసుబ్రహ్మణ్యం, కె.యస్.చిత్ర

సంగీతం:రాజ్-కోటి

పల్లవి :

ప్రియరాగాలే గుండెలోన పొంగుతున్న ఈ వేళ ప్రియగానాలే కన్నెప్రేమ దోచుకున్న శుభవేళ చేరాలి సొగసుల తీరం..సాగాలి తకధిమి తాళం తగ్గాలి తనువుల దూరం..తీరాలి వయసుల తాపం ఓ..ఓ..ఓ...ఓ... ప్రియరాగాలే గుండెలోన పొంగుతున్న ఈ వేళ ప్రియగానాలే కన్నెప్రేమ దోచుకున్న శుభవేళ

చరణం: 1 :

అల్లరి కోయిల పాడిన పల్లవి స్వరాలలో నీవుంటే పదాలలో నేనుంటా వేకువ పూచిన తొలితొలి గీతిక ప్రియాప్రియా నీవైతే శృతీ లయా నేనౌతా కలకాలం కౌగిలై నినే చేరుకోనీ కనురెప్పల నీడలో కలై ఒదిగిపోనీ ఓ ప్రియా...ఓ... దరి చేరితే దాచుకోనా తొలిప్రేమలే దోచుకోనా ప్రియరాగాలే గుండెలోన పొంగుతున్న ఈ వేళ ప్రియగానాలే కన్నెప్రేమ దోచుకున్న శుభవేళ

చరణం: 2:

సవ్వడి చేయని యవ్వన వీణలు అలా అలా సవరించు పదే పదే పలికించు వయసులు కోరిన వెన్నెల మధువులు సఖీ చెలీ అందించు సుఖాలలో తేలించు పెదవులతో కమ్మని కథే రాసుకోనా ఒడిచేరి వెచ్చగా చలే కాచుకోనా ఓ ప్రియా...ఓ... పరువాలనే పంచుకోనీ పడుచాటలే సాగిపోనీ

ప్రియరాగాలే గుండెలోన పొంగుతున్న ఈ వేళ ప్రియగానాలే కన్నెప్రేమ దోచుకున్న శుభవేళ చేరాలి సొగసుల తీరం..సాగాలి తకధిమి తాళం తగ్గాలి తనువుల దూరం..తీరాలి వయసుల తాపం ఓ..ఓ..ఓ...ఓ...