చిత్రం : సీతారామయ్య గారి మనుమరాలు (1991)
సంగీతం: M.M.కీరవాణి
సాహిత్యం: వేటూరి
గానం: కె.యస్.చిత్ర
కలికి చిలకల కొలికి మాకు మేనత్త కలవారి కోడలు కనకమాలక్ష్మి కలికి చిలకల కొలికి మాకు మేనత్త కలవారి కోడలు కనకమాలక్ష్మి అత్తమామల కొలుచు అందాల అతివ పుట్టిల్లు ఎరుగని పసి పంకజాకషి మేనాలు తేలేని మేనకోడల్ని అడగవచ్చా మిమ్ము ఆడకూతుర్ని వాల్మీకినే మించు వరస తాతయ్య మా ఇంటికంపించవయ్య మావయ్య ఆ.ఆ కలికి చిలకల కొలికి మాకు మేనత్త కలవారి కోడలు కనకమాలక్ష్మి ఆ చేయి ఈ చేయి అత్త కోడలికి ఆ మాట ఈ మాట పెద్ద కోడలికి నేటి అత్తమ్మా ఆ నాటి కోడలివే తెచ్చుకో మాయమ్మ నీవు ఆ తెలివి తలలోని నాలికై తల్లిగా చూసే పూలల్లో దారమై పూజలే చేసే నీ కంటిపాపలా కాపురం జేసే మా చంటిపాపను మన్నించి పంపు ఊ. ఊ. కలికి చిలకల కొలికి మాకు మేనత్త కలవారి కోడలు కనకమాలక్ష్మి మసకబడితే నీకు మల్లెపూదండ తెలవారితే నీకు తేనె నీరెండ ఏడుమల్లెలు తూగు నీకు ఇల్లాలు ఏడు జన్మల పంట మా అత్త చాలు పుట్టగానే పూవు పరిమళిస్తుంది పుట్టింటికే మనసు పరుగు తీస్తుంది తెలుసుకో తెలుసుకో తెలుసుకో తెలుసుకో తెలుసుకో మనసున్న మామ సయ్యోధ్యనేలేటి సాకేతరామా
కలికి చిలకల కొలికి మాకు మేనత్త కలవారి కోడలు కనకమాలక్ష్మి కలికి చిలకల కొలికి మాకు మేనత్త కలవారి కోడలు కనకమాలక్ష్మి
కామెంట్‌లు లేవు:
కామెంట్‌ను పోస్ట్ చేయండి