Chanti : Pavuraniki Panjaraniki Song Lyrics (పావురానికి పంజరానికి)

చిత్రం: చంటి (1992)

సంగీతం: ఇళయరాజా

సాహిత్యం: వేటూరి

గానం: యస్.పి.బాలసుబ్రహ్మణ్యం

పల్లవి:

పావురానికి పంజరానికి పెళ్ళీ చేసె పాడులోకం
కాళరాత్రికి చందమామకి ముళ్ళు పెట్టె మూడలోకం 
పావురానికి పంజరానికి పెళ్ళీ చేసె పాడులోకం
కాళరాత్రికి చందమామకి ముళ్ళు పెట్టె మూడలోకం
కోడిగట్టిన దీపాలే గుడి హారతులయ్యేనా
పావురానికి పంజరానికి పెళ్ళీ చేసె పాడులోకం
కాళరాత్రికి చందమామకి ముళ్ళు పెట్టె మూడలోకం

చరణం: 1

తానిచ్చు పాలలో ప్రేమంత కలిపి సాకింది నా కన్న తల్లీ
లాలించు పాటలో నీతంత తెలిపి పెంచింది నాలోన మంచి
కపటాలు మోసాలు నాలోన లేవు కలనైన అపకారి కాను
చేసిన పాపములా ఇది ఆ విధి శాపములా
మారని జాతకమా ఇది దేవుని శాసనమా
ఇది తీరేదే కాదా...
పావురానికి పంజరానికి పెళ్ళీ చేసె పాడులోకం 

చరణం: 2

తాళంటె తాడనే తలచాను నాడు అది ఏదో తెలిసేను నేడు
ఆ తాళి పెళ్ళికే రుజువన్న నిజము తరువాత తెలిసేమి ఫలము
ఏమైన ఏదైన జరిగింది ఘోరం నా మీద నాకేలె కోపం
నా తొలి నేరమున ఇది తీరని వేదననా
నా మది లోపములా ఇవి ఆరని శోకములా
ఇక ఈ బాధే పోదా...
కాళరాత్రికి చందమామకి ముళ్ళు పెట్టె మూడలోకం 
కాళరాత్రికి చందమామకి ముళ్ళు పెట్టె మూడలోకం
కోడిగట్టిన దీపాలే గుడి హారతులయ్యేనా
పావురానికి పంజరానికి పెళ్ళీ చేసె పాడులోకం
కాళరాత్రికి చందమామకి ముళ్ళు పెట్టె మూడలోకం