చిత్రం: పెళ్లి కానుక (1960)
సాహిత్యం: ఆచార్య ఆత్రేయ
గానం: ఏ.ఎం.రాజా, పి. సుశీల
సంగీతం: ఏ.ఎం.రాజా
పల్లవి : వాడుక మరచెదవేల నను వేడుక చేసెదవేల నిను చూడని దినము నాకొక యుగము నీకు తెలుసును నిజము... (2) వాడుక మరువను నేను నిను వేడుక చేయగలేను నిను చూడని క్షణము నాకొక దినము నీకు తెలుసును నిజము... (2) చరణం : 1 సంజరంగుల చల్లని గాలుల మధుర రాగము మంజుల గానము ॥సంజరంగుల॥ తేనె విందుల తీయని కలలూ మరిచిపోయిన వేళ ఇక మనకీ మనుగడ ఏల నీ అందము చూపి డెందము ఊపి ఆశ రేపెదవేలా ఆశ రేపెదవేలా ఓ ఓ ఓ... సంజరంగుల సాగినా చల్లగాలులు ఆగినా ॥సంజరంగుల॥ కలసి మెలసిన కన్నులలోన... (2) మనసు చూడగలేవా... మరులు తోడగలేవా... ॥వాడుక మరువను॥ చరణం : 2 కన్నులా ఇవి కలల వెన్నెలా చిన్నె వన్నెల చిలిపి తెన్నులా ॥కన్నులా॥ మనసు తెలిసీ మర్మమేలా ఇంత తొందర ఏలా ఇటు పంతాలాడుట మేలా నాకందరికన్నా ఆశలు ఉన్నా హద్దు కాదనగలనా హద్దు కాదనగలనా వాడని నవ్వులతోడ నడయాడెడు పువ్వుల జాడ అనురాగము విరిసి లోకము మరచి ఏకమౌదము కలసి ఏకమౌదము కలసి
కామెంట్‌లు లేవు:
కామెంట్‌ను పోస్ట్ చేయండి