చిత్రం: ఖడ్గం (2002)
సంగీతం: దేవి శ్రీ ప్రసాద్
సాహిత్యం: సిరివెన్నెల సీతారామశాస్త్రి
గానం: హనీ
తికమక పెట్టే అమాయకత్వం.. చకచకలాడే వేగం.. అలాగ ఉంటాం.. ఇలాగ ఉంటాం.. ఆకతాయిలం మేము.. అరే చెప్పేదేదో సమజ్ అయ్యేట్టు చెప్పరా.. అట్లనే చెప్తా.. వినుకో.. సత్యం పలికే హరిశ్చంద్రులం.. అవసరానికో అబద్ధం.. నిత్యం నమాజు పూజలు చేస్తాం.. రోజు తన్నుకు చస్తాం.. నమ్మితే ప్రాణాలైనా ఇస్తాం.. నమ్మడమేరా కష్టం.. ముక్కుసూటిగా ఉన్నది చెప్తాం.. నచ్చకుంటే మీ ఖర్మం.. అరె.. కష్టమొచ్చినా కన్నీరొచ్చినా చెదరని నవ్వుల ఇంద్రధనస్సులం.. మేమే.. ఇండియన్స్.. వందనోటు జేబులో ఉంటే నవాబు నైజం పర్సు ఖాళి అయ్యిదంటే ఫకీరు తత్వం కళ్ళు లేని ముసలవ్వలకు చెయ్యందిస్తాం పడుచుపిల్ల ఎదురుగ వస్తే పళ్ళికిలిస్తాం.. ప్రేమ.. కావాలంటాం.. పైసా.. కావాలంటాం.. ఏవో కలలే కంటాం.. తిక్క తిక్కగా ఉంటాం.. ఏడేళ్ళయినా టీవి సీరియల్ ఏడుస్తూనే చూస్తాం.. తోచకపోతే సినిమాకెళ్ళి రికార్డు డాన్సింగ్ చేస్తాం.. కోర్టు తీర్పుతో మనకేం పనిరా నచ్చినోడి కోటేస్తాం.. అందరు దొంగలే అసలు దొంగకే సీటు అప్పచెప్పేస్తాం.. రూలూ ఉంది.. రాంగూ ఉంది.. తప్పుకు తిరిగే లౌక్యం ఉందీ.. మేమే.. ఇండియన్స్.. మేమే.. ఇండియన్స్.. కలలు కన్నీళ్ళెన్నో మన కళ్ళల్లో.. ఆశయాలు ఆశలు ఎన్నో మన గుండెల్లో.. శత్రువుకే ఎదురు తిరిగిన రక్తం మనది.. ద్వేషాన్నే ప్రేమగ మార్చిన దేశం మనది.. ఈశ్వర్ అల్లా ఏసు.. ఒకడే కదరా బాసు.. దేవుని కెందుకు జెండా.. కావాలా పార్టీ అండా.. మాతృభూమిలో మంటలు పెట్టే మాయగాడి కనికట్టు.. అన్నదమ్ములకు చిచ్చును పెట్టే లుచ్చాగాళ్ళ పని పట్టు.. భారతీయులం ఒకటేనంటూ పిడికిలెత్తి వెయి ఒట్టు.. మరోసారి ఇటు చూసే ద్రోహుల తోలు తీసి ఆరెట్టు.. దమ్మే ఉంది.. ధైర్యం ఉంది.. తలవంచని తెగ పొగరే ఉంది.. మేమే.. ఇండియన్స్.. మేమే.. ఇండియన్స్..
కామెంట్‌లు లేవు:
కామెంట్‌ను పోస్ట్ చేయండి