Nee Sneham : Chinuku Thadiki Song Lyrics (చినుకు తడికి చిగురు)

చిత్రం: నీ స్నేహం (2002)

సంగీతం: RP. పట్నాయక్ రచన: సీతారామ శాస్త్రి గాయని: ఉష చినుకు తడికి చిగురు తొడుగు పువ్వమ్మా ఎవరి కనుల చిలిపి కలవు నువ్వమ్మా? మువ్వలే మనసుపడు పాదమా ఊహలే ఉలికిపడు ప్రాయమా హిందోళంలా సాగే అందాల సెలయేరమ్మా ఆమని మధువనమా పసిడివేకువలు పండువెన్నెలలు పసితనాలు పరువాలవెల్లువలు కలిపి నిన్ను మలిచాడో ఏమో బ్రహ్మ పచ్చనైన వరిచేల సంపదలు అచ్చతెలుగు మురిపాలసంగతులు కళ్ళముందు నిలిపావే ముద్దుగుమ్మా పాలకడలి కెరటాల వంటి నీ లేతఅడుగు తన ఎదను మీటి నేలమ్మ పొంగెనమ్మా ఆగని సంబరమా వరములన్ని నిను వెంటబెట్టుకొని ఎవరి ఇంట దీపాలు పెట్టమని అడుగుతున్నవే కుందనాల బొమ్మ? సిరులరాణి నీ చేయి పట్టి శ్రీహరిగా మారునని రాసిపెట్టి ఏ వరుని జాతకం వేచి ఉన్నదమ్మా? అన్నమయ్య శృంగారకీర్తనల వర్ణనలకు ఆకారమైన బంగారు చిలకవమ్మా రాముని సుమశరమా