Koduku Kodalu : Goppolla Chinnadi Song Lyrics (గొప్పోళ్ళ చిన్నది.)

చిత్రం : కొడుకు కోడలు (1972)

గీత రచయిత : ఆచార్య ఆత్రేయ

గానం: ఘంటసాల

సంగీతం : కె.వి. మహదేవన్

పల్లవి:

గొప్పోళ్ళ చిన్నది... గువ్వల్లే ఉన్నది
కొండమీది కోతల్లే... చిక్కనంటది
చెట్టుకొమ్మల్లే గుండెను ఊపేస్తది...

చరణం 1:

నడుమెంత చిన్నదో... నడకంత చక్కంది
చూపెంత చురుకైందో... రూపంత సొగసైంది
నడుమెంత చిన్నదో... నడకంత చక్కంది
చూపెంత చురుకైందో... రూపంత సొగసైంది
మనిషేమో దుడుకైంది... వయసేమో ఉడుకైంది
మనిషేమో దుడుకైంది... వయసేమో ఉడుకైంది
మనసేలా ఉంటుందో... అది ఇస్తేనే తెలిసేది
గొప్పోళ్ళ చిన్నది... గువ్వల్లే ఉన్నది
కొండమీది కోతల్లే... చిక్కనంటది
చెట్టుకొమ్మల్లే గుండెను ఊపేస్తది...

చరణం 2:

ఒంటరిగా వచ్చిందంటే... జంటకోసమై ఉంటుంది
పేచితో మొదలెట్టిందంటే... ప్రేమ పుట్టే ఉంటుంది
హ.. ప్రేమ పుట్టే ఉంటుంది
కొమ్మమీది దోరపండు... కోరుకుంటే చిక్కుతుందా
నాకు దక్కుతుందా..హ...హ..
కొమ్మమీది దోరపండు... కోరుకుంటే చిక్కుతుందా
కొమ్మ పట్టి గుంజితేనే కొంగులోకి పడుతుంది
గొప్పోళ్ళ చిన్నది... గువ్వల్లే ఉన్నది
కొండమీది కోతల్లే... చిక్కనంటది
చెట్టుకొమ్మల్లే గుండెను ఊపేస్తది...

చరణం 3:

ఊరుకున్న కుర్రవాడ్ని... ఉడికించుకు పోతుంది
మాపటికి పాపమంత... వేపించుకు తింటుంది
ఒక్క చోట నిలువలేక... పక్క మీద ఉండలేక
ఆ టెక్కు నిక్కు తగ్గి... రేపిక్కడికే తానొస్తుంది
గొప్పోళ్ళ చిన్నది... గువ్వల్లే ఉన్నది
కొండమీది కోతల్లే... చిక్కనంటది
చెట్టుకొమ్మల్లే గుండెను ఊపేస్తది...
లలలేలాలాలేలల... లలలేలాలాలేలల