Gillikajjalu : Bangaru Bomma Song Lyrics (బంగరు బొమ్మా)

చిత్రం : గిల్లి కజ్జాలు(1998)

సంగీతం : కోటి

రచన : సిరివెన్నెల సీతారామశాస్త్రి

గానం: యస్.పి.బాలసుబ్రహ్మణ్యం , కె.యస్.చిత్ర

ఓ ఓ ఓ... బంగరు బొమ్మా నీ అనురాగం నాకు సొంతమా అల్లరి కన్నా ఈ అనుమానం నీకు న్యాయమా ఇది కరగని కల అనుకోన కల కాదని ఎదురుగ ఉన్నా ఒళ్ళో ఇలా వాలిన పెన్నిధి వద్దనగలనా వెయ్యేళ్లిలా నీ పద సన్నిధి స్వర్గమె అననా బంగరు బొమ్మా నీ అనురాగం నాకు సొంతమా అల్లరి కన్నా ఈ అనుమానం నీకు న్యాయమా హరివిల్లె తరునిగ మారి దివి నుంచి దిగొచ్చెనా సుకుమారి కుసమకుమారి నను కోరి తపించెనా మెరుపల్లె చొరవగ చేరి వరమాలై వరించదా చినుకల్లే చిలిపిగ గిల్లి వరదల్లె అల్లేయనా అందాల వెల్లువ నాపే సంగ్రాన్నై స్వాగతమనన అందిస్తా... విందిస్తా... జయించనా నీ హృదయాన్నే ప్రియ వదన జపించనా నీ పేరే మధన... బంగరు బొమ్మా నీ అనురాగం నాకు సొంతమా అల్లరి కన్నా ఈ అనుమానం నీకు న్యాయమా గత జన్మల పరిచయమేదో చేసింది నిరీక్షణా అదికాస్త పరిణయమైతే నీ నీడై తరించనా చెలి సంకెలు నను రమ్మంటే చెరసాలై బిగించినా ఋణమేదో జతపడమంటే మనసారా తపించనా ప్రణాయాల స్వరముల వాన అడిగింది యవ్వన వీణ కురిపిస్తా... మురిపిస్తా.... ఫలించునా నోచిన నోములు నీ వలన లాలించనా వలపుల ఒడిలోన... బంగరు బొమ్మా నీ అనురాగం నాకు సొంతమా అల్లరి కన్నా ఈ అనుమానం నీకు న్యాయమా ఇది కరగని కల అనుకోన కల కాదని ఎదురుగ ఉన్నా ఒళ్ళో ఇలా వాలిన పెన్నిధి వద్దనగలనా వెయ్యేళ్లిలా నీ పద సన్నిధి స్వర్గమె అననా

GilliKajjalu : Ningi Nela Song Lyrics (నింగి నేల ఉయ్యాలా)

చిత్రం : గిల్లి కజ్జాలు(1998)

సంగీతం : కోటి

రచన : సిరివెన్నెల సీతారామశాస్త్రి

గానం: యస్.పి.బాలసుబ్రహ్మణ్యం , కె.యస్.చిత్ర

నింగి నేల ఉయ్యాలా నువ్వు నేను ఊగాలా జత సంగీతాల జంపాల జగమంతా మైకం నింపాల చలి సందెగాలి తందనాల తాళం వెయ్యాలా నింగి నేల ఉయ్యాలా నువ్వు నేను ఊగాలా కొండకోనల గుండు కోయిల కుహు కుహు పులకగా నీ పలకరింపులా ఎండవేళలా వెండి వానల మిల మిల చిలకగ చిరునవ్వుల కిల కిల కమ్మని సైగల వేగం అమ్మడు పువ్వును తాకి లోపల దాగిన ఊసుల వైనం బయటకి లాగి చెలరేగాల చిలిపి తనాల కన్నుల విందుల చేసిన అన్నుల మిన్నును చూసి ఒంటరి తుంటరి ఆశలు తొందర తొందర చేసి తరిమే వేళ నిను చేరేలా మన ప్రేమ యాత్ర సాగక సిరివెన్నెల పాటలా నింగి నేల ఉయ్యాలా నువ్వు నేను ఊగాలా సోకు తానుల రాకుమారిలా కన్నె కల నువ్వు అలా నను కవ్విస్తే ఎలా కోటి తారలా కాంతి ధారలా తళ తళ ఊహల నను కమ్మేస్తే ఎలా బంధువులందరి ముందర బంగరు బంధనమేసి అందిన సుందరి ఒంటికి చందన సేవలు చేసి లాలించనా రస లీలగా అల్లరి చిందులు వేసిన పిల్లడి వైఖరి చూసి మల్లెల మంచం వేసి మెల్లగ మచ్చిక చేసి పాలించినా మహారాణిలా మన కయ్యమంత చూసి కందిపోదా వెన్నెలా నింగి నేల ఉయ్యాలా నువ్వు నేను ఊగాలా జత సంగీతాల జంపాల జగమంతా మైకం నింపాల చలి సందెగాలి తందనాల తాళం వెయ్యాలా

GilliKajjalu : Prapanchama Song Lyrics (ప్రపంచమా క్షమించుమా)

చిత్రం : గిల్లి కజ్జాలు(1998)

సంగీతం : కోటి

రచన : సిరివెన్నెల సీతారామశాస్త్రి

గానం: యస్.పి.బాలసుబ్రహ్మణ్యం , సునీత

పల్లవి: ప్రపంచమా క్షమించుమా మాకు నీతో పనేమి లేదమ్మా వసంతమా వరించుమా స్వాగతాంజలి స్వీకరించమ్మా కాంచన కాంతుల భామ నీ కంచెలు తెంచుకు రామ్మా కాంక్షలు పెంచిన ప్రేమ నీ పంచనే మా చిరునామా ఈ ఏకాంతం మనదే స్నేహమా ఆ...ఆ...ఆ... వసంతమా వరించుమా స్వాగతాంజలి స్వీకరించమ్మా చరణం:1 కుడి ఎడమలు ఎరగక మన కథ సాగేనంటా జత కుదరని ఎదలకు పెరుగగా ఏదో మంట ఎవరెవరికో ఎద రగిలితే అది మనకేమంటా కనులడిగిన కలలను తరుముతూ పోదామంటా మనకు మనకు గల ముచ్చట మరి ఎవరు కనని చోటెచ్చట ముడులు విడని బిగి కౌగిట తగు విడిది మనకు దొరికేనట మరి ఆలస్యం ఇంకా ఎంటటా ఆ...ఆ...ఆ... ప్రపంచమా క్షమించుమా మాకు నీతో పనేమి లేదమ్మా చరణం:2 తెరమరుగున నిలువక చొరవగా రారమ్మంటా అరమరికలు తెలియని చెలిమిని అందిమ్మంటా కలవరపడు గుసగుస కబురును విన్నానంటా మనసెరిగిన వరుసకు సరసనే ఉన్నానంటా ఉరుము వెనుక జడివానలా ఈ విరహమంత కరిగేదెలా దిగులు పడకు నువ్వంతలా తొలివలపు తెగని విరి సంకెలా మరి దూరంగా ఉంటే ఇంకెలా ఆ...ఆ...ఆ... వసంతమా వరించుమా స్వాగతాంజలి స్వీకరించమ్మా కాంచన కాంతుల భామ నీ కంచెలు తెంచుకు రామ్మా కాంక్షలు పెంచిన ప్రేమ నీ పంచనే మా చిరునామా ఈ ఏకాంతం మనదే స్నేహమా ఆ...ఆ...ఆ...