Krishnaveni : Enduko Neevu Song Lyrics (ఎందుకో నీవు నాతో)

చిత్రం: కృష్ణవేణి (1974)

సాహిత్యం: దాశరథి

గానం: రామకృష్ణ,పి.సుశీల

సంగీతం: విజయ భాస్కర్

పల్లవి:

ఎందుకో నీవు నాతో ఉన్నవేళ ఇంత హాయి...
ఎందుకో నిన్ను విడిచి నిమిషమైనా నిలువలేనోయి...
ఎందుకో నీవు నాతో ఉన్నవేళ ఇంత హాయి..
ఎందుకో నిన్ను విడిచి నిమిషమైనా నిలువలేనోయి...

చరణం 1:

మనసులోని మమతలన్ని మల్లెపూలై విరిసె నీకై
మనసులోని మమతలన్ని మల్లెపూలై విరిసె నీకై...
వలపులన్ని పూలమాలై కురులోన కులుకె నీకై ...
ఎన్ని జన్మాలకైనా.. అహ.. అహ..నీవు నాదానివేలే
ఇందుకు సాక్షులు... గిరులు తరులు... గిరులు... తరులు
ఎందుకో నీవు నాతో ఉన్నవేళ ఇంత హాయి...
ఎందుకో నిన్ను విడిచి నిమిషమైనా నిలువలేనోయి ...

చరణం 2:

నీలికన్నుల ఆలయాన నిన్ను స్వామిగ నిలుపుకోనా ...
నీలికన్నుల ఆలయాన నిన్ను స్వామిగ నిలుపుకోనా...
ఎల్లవేళల జీవితాన నిన్ను దేవిగా కొలుచుకోనా...
గౌరిశంకరులకందం... మనది విడిపోని బంధం
ఇందుకు సాక్షులు...
సూర్యుడు ..చంద్రుడు...సూర్యుడు ...చంద్రుడు..
ఎందుకో నీవు నాతో ఉన్నవేళ ఇంత హాయి ...
ఎందుకో నిన్ను విడిచి నిమిషమైనా నిలువలేనోయి ...
ఎందుకో నీవు నాతో ఉన్నవేళ ఇంత హాయి...

Krishnaveni : Hey Janani Krishnaveni lyrics (హే జనని కృష్ణవేణి ... )

చిత్రం: కృష్ణవేణి (1974)

సాహిత్యం: సి.నారాయణరెడ్డి

గానం: పి. బి. శ్రీనివాస్, రామకృష్ణ,పి.సుశీల

సంగీతం: విజయ భాస్కర్

పల్లవి: 

హే జనని కృష్ణవేణి ... 
రాజిత తరంగవాణి 
పంచ పాతక హారిణి... 
పరమ మంగళకారిణి... 
దక్షినోర్వి దివ్యవాహిని ... 
అక్షీణ భాగ్య ప్రదాయిని ... 
శ్రీశైల మల్లికార్జున దివ్యచరణ సంశేవిని.. 
కనకదుర్గా భవ్య కరుణాకటాక్ష సంవర్ధిని .. 
కనకదుర్గా భవ్య కరుణాకటాక్ష సంవర్ధిని... 
కృష్ణవేణి... కృష్ణవేణి మమ: ప్రశీద.. మమ: ప్రశీద... 
కృష్ణవేణి... కృష్ణవేణి.... 
కృష్ణవేణి... తెలుగింటి విరిబోణి ... 
కృష్ణవేణి నా ఇంటి అలివేణి... 
కృష్ణవేణి తెలుగింటి విరిబోణి... 
కృష్ణవేణి నా ఇంటి అలివేణి ... 

చరణం 1: 

శ్రీగిరిలోయల సాగే జాడల.. 
శ్రీగిరిలోయల సాగే జాడల.. 
విద్యుల్లతలు కోటి వికశింపజేసేవు ... 
లావణ్యలతవై నను చేరువేళ.. 
లావణ్యలతవై నను చేరువేళ... 
శతకోటి చంద్రికలు వెలిగించు కృష్ణవేణి ... 
కృష్ణవేణి... తెలుగింటి విరిబోణి ... 
కృష్ణవేణి నా ఇంటి అలివేణి... 
చరణం 2: 
నాగార్జున గిరి కౌగిట ఆగి.. 
నాగార్జున గిరి కౌగిట ఆగి ... 
బీళ్ళను బంగారు చేలుగా మార్చేవు ... 
ఆంధ్రావనికై అన్నపూర్ణవై కరువులు బాపేవు..బ్రతుకులు నిలిపేవు.. 
నా జీవనదివై ఎదలోన ఒదిగి...నా జీవనదివై ఎదలోన ఒదిగి .. 
పచ్చని వలపులు పండించు కృష్ణవేణి ... 
కృష్ణవేణి... తెలుగింటి విరిబోణి ... 
కృష్ణవేణి నా ఇంటి అలివేణి... 

చరణం 3: 

అమరావతి గుడి అడుగుల నడయాడి... 
అమరావతి గుడి అడుగుల నడయాడి .. 
రాళ్ళను అందాల రమణులుగ తీర్చేవు... 
ఏ శిల్పరమణులు.. ఏ దివ్యలలనలు 
ఏ శిల్పరమణులు... ఏ దివ్యలలనలు 
ఓర్చని అందాలు దాచిన కృష్ణవేణి ... 
అభిసారికవై హంసలదీవిలో ... 
సాగర హృదయాన సంగమించేవు... 
నా మేని సగమై.. నా ప్రాణసుధవై.. 
నా మేని సగమై.. నా ప్రాణసుధవై.. 
నిఖిలము నీవై నిలిచిన కృష్ణవేణి... 
కృష్ణవేణి... తెలుగింటి విరిబోణి ... 
కృష్ణవేణి నా ఇంటి అలివేణి...

Krishnaveni : Srisaila..Mallayya Song Lyrics (శ్రీశైలా... మల్లయ్య)

చిత్రం: కృష్ణవేణి (1974)

సాహిత్యం: దాశరథి

గానం: పి.సుశీల

సంగీతం: విజయ భాస్కర్

పల్లవి:

శ్రీశైలా... మల్లయ్య
శ్రీశైలా ..మల్లయ్య ...దైవమే ..నీవయ్య
శ్రీభ్రమరాంబతో వెలసిన జంగమయ్యా ...
శ్రీశైలా... మల్లయ్య....

చరణం 1:

ఇదియే దక్షిణ కైలాసము ..ఇది నాగార్జున నివాసం...
ఇదియే దక్షిణ కైలాసము ..ఇది నాగార్జున నివాసం...
ఇందున్న శిలలే..ఏ..ఏ...ఇందున్న శిలలే శివలింగాలు..
సెలయేళ్ళన్ని దివ్యతీర్థాలు....
శ్రీశైలా ...ఆ..మల్లయ్య ...ఆ..

చరణం 2:

వరుసవేదుల రాశి ప్రత్యక్ష కాశీ ..పాతాళ గంగకు కాణాచి ...
వరుసవేదుల రాశి ప్రత్యక్ష కాశీ ..పాతాళ గంగకు కాణాచి ..
ఈ శిఖర దర్శనమే..ఏ..ఏ..ఈ శిఖర దర్శనమే.. పాపహారము ..
భక్త కోటికి జన్మ పావనము..
శ్రీశైలా ...మల్లయ్య

చరణం 3:

పర్వతుడు నిను గొల్చి మెప్పించగా..చంద్రవతి మల్లెపూల పూజింపగా ..
పర్వతుడు నిను గొల్చి మెప్పించగా..చంద్రవతి మల్లెపూల పూజింపగా ..
మల్లిఖార్జున రూపమై ..ఐ...ఐ...మల్లిఖార్జున రూపమై నిలిచావులే ..
తెలుగుగడ్డకు ముక్తి నిచ్చావులే..
శ్రీశైలా మల్లయ్య ..శ్రీశైలా మల్లయ్య... దైవమే నీవయ్య
శ్రీభ్రమరాంబతో వెలసిన జంగమయ్యా...శ్రీశైలా మల్లయ్య

Krishnaveni : Padunalugu yendlu Song Lyrics (పదునాలుగేండ్లు వనవాసమేగి.. )

చిత్రం: కృష్ణవేణి (1974)

సాహిత్యం: దాశరథి

గానం: పి.సుశీల

సంగీతం: విజయ భాస్కర్

పల్లవి :

పదునాలుగేండ్లు వనవాసమేగి..

మరలి వచ్చెను సీత . . 

పరమ పావని ఆ మాతా
సార్వభౌముడు శ్రీరామచంద్రుని..

సన్నిధి కోరేను సీత . .

అదే పెన్నిధి అన్నది భూజాతా

పదునాలుగేండ్లు వనవాసమేగి..

మరలి వచ్చెను సీత..

పరమ పావని ఆ మాతా 


చరణం 1 :

సత్య పరీక్షకు అగ్ని పరీక్షకు . .

సాధ్వి జానకి నిలిచె
అఖిల జగములో సీత పునీతని

అగ్నిదేవుడె పలికే . . అగ్నిదేవుడే పలికే

అల్పుని మాటలు ఆలకించెను..

న్యాయమూర్తి రఘురాముడు
ఆమె కలుషితని.. అడవికి పంపెను..

నిర్ధయుడా శ్రీరాముడూ
రాముని బాసిన సీత మనసులో రగిలెను ఆరని శోకము    

పదునాలుగేండ్లు వనవాసమేగి..

మరలి వచ్చెను సీత.. 

పరమ పావని ఆ మాత
సార్వభౌముడు శ్రీరామచంద్రుని.. 

సన్నిధి కోరేను సీత..

అదే పెన్నిధి అన్నది భూజాత  

చరణం 2 :

పూర్ణ గర్భిణికి పుణ్యరూపిణికి ఆశ్రయమొసగెను వాల్మీకి
ముని ఆశ్రమమున లవకుశ జననం..
సీతకు శాంతిని కలిగించె.. సీతకు శాంతిని కలిగించె
పతి దూషణలే తలచీ కలచీ విలపించెను ఆ మాతా
పిలిచెను భూమాతా ! తల్లి గర్భమున కలిసెను భూజాతా
జనని జానకి జీవితమంతా . . తీరని వియోగమాయే 

పదునాలుగేండ్లు వనవాసమేగి..

మరలి వచ్చెను సీత.. 

పరమ పావని ఆ మాతా
సార్వభౌముడు శ్రీరామచంద్రుని..

సన్నిధి కోరేను సీత..

అదే పెన్నిధి అన్నది భూజాతా
పదునాలుగేండ్లు వనవాసమేగి..

మరలి వచ్చెను సీత.. 

పరమ పావని ఆ మాతా

Krishnaveni : Sangeetam madhura sangeetam Song Lyrics (సంగీతం.. మధుర సంగీతం)

చిత్రం: కృష్ణవేణి (1974)

సాహిత్యం: ఆరుద్ర

గానం: పి.సుశీల

సంగీతం: విజయ భాస్కర్

పల్లవి :

సంగీతం.. మధుర సంగీతం
సంగీతం..  మధుర సంగీతం . .
తల్లీ పిల్లల హృదయ సంకేతం
సంగీతం.. మధుర సంగీతం...  

చరణం 1 :

ముద్దుల కూనల తీయని పిలుపే . . తల్లికి కోకిల గానం
లలల.. లాలలలా.. అహహహా.. అహహహా..
ముద్దుల కూనల తీయని పిలుపే . . తల్లికి కోకిల గానం
మదిలో మమతలె మంజుల రవళిగ.. మ్రోగును మోహనరాగం          
సంగీతం . . మధుర సంగీతం . .  

చరణం 2 :

బాల పాపల ఆటల పాటలె..  అమ్మకు కమ్మని గీతం
ఆకాశ వీధుల సాగే గువ్వలు.. తెచ్చే ప్రేమ సందేశం
సంగీతం.. మధుర సంగీతం
తల్లీ పిల్లల హృదయ సంకేతం
సంగీతం.. మధుర సంగీతం . . 

చరణం 3 :

ఎన్నో నోముల పంటలు పండి..  ముచ్చట గొలుపు సంతానం
ఎన్నో నోముల పంటలు పండి..  ముచ్చట గొలుపు సంతానం
ఆశాఫలముల రాశులు ఎదలో చేసెను రాగసంచారం
సంగీతం..  మధుర సంగీతం . . 

చరణం 4 :

శోభన జీవన దీపావళిలో.. పెరిగెను పావన తేజం
తనివే తీర తనయులజేర..  తల్లికి తరగని భాగ్యం
సంగీతం..  మధుర సంగీతం . .
తల్లీ పిల్లల హృదయ సంకేతం..
సంగీతం . . మధుర సంగీతం . .