Sivaranjani : Joru Meeduna Song Lyrics (జోరుమీదున్నావు తుమ్మెదా)

చిత్రం: శివరంజని (1978)

రచన: సి.నారాయణ రెడ్డి

గానం: పి. సుశీల

సంగీతం: పసుపులేటి రమేష్ నాయుడు

పల్లవి:

జోరుమీదున్నావు తుమ్మెదా నీ జోరెవరికోసమే తుమ్మెదా జోరుమీదున్నావు తుమ్మెదా నీ జోరెవరికోసమే తుమ్మెదా ఇల్లిల్లు తిరిగేవు తుమ్మెదా నీ ఒళ్ళు జాగరతె తుమ్మెదా ఇల్లిల్లు తిరిగేవు తుమ్మెదా నీ ఒళ్ళు జాగరతె తుమ్మెదా జోరుమీదున్నావు తుమ్మెదా నీ జోరెవరికోసమే తుమ్మెదా

చరణం:1 ముస్తాబు అయ్యావు తుమ్మెదా కస్తూరి రాసావు తుమ్మెదా మసక ఎన్నెల్లోన తుమ్మెదా మల్లెపందిరి కాడ తుమ్మెదా మాల కడుతున్నావు తుమ్మెదా ఆ మాలెవరికోసమే తుమ్మెదా జోరుమీదున్నావు తుమ్మెదా నీ జోరెవరికోసమే తుమ్మెదా

చరణం:2 మెత్తన్ని పరుపూలు తుమ్మెదా గుత్తంగ కుట్టావు తుమ్మెదా ఒత్తైన పరుపుపై తుమ్మెదా. అత్తర్లు చల్లావు తుమ్మెదా ... ఆ ... ఆ... ఆ... ఆ... ఆ పక్కవేసుంచావు తుమ్మెదా ఆ పక్కెవరికోసమే తుమ్మెదా జోరుమీదున్నావు తుమ్మెదా నీ జోరెవరికోసమే తుమ్మెదా ఇల్లిల్లు తిరిగేవు తుమ్మెదా నీ ఒళ్ళు జాగరతె తుమ్మెదా జోరుమీదున్నావు తుమ్మెదా నీ జోరెవరికోసమే తుమ్మెదా

Shivaranjani : Abhinava Tharavo Song Lyrics (అభినవ తారవో.)

చిత్రం: శివరంజని (1978)

రచన: సి.నారాయణ రెడ్డి

గానం: ఎస్. పి. బాలసుబ్రహ్మణ్యం

సంగీతం: పసుపులేటి రమేష్ నాయుడు

పల్లవి:

అభినవ తారవో... నా... అభిమాన తారవో.. అభినవ తారవో.. అభినయ రసమయ కాంతిధారవో అభినయ రసమయ కాంతిధారవో మంజుల మధుకర శింజాల సుమశర శింజినీ శివరంజనీ.. శివరంజనీ..

అది దరహాసమా మరి మధుమాసమా అది దరహాసమా మరి మధుమాసమా ఆ మరునికి దొరికిన అవకాశమా అవి చరణమ్ములా శశికిరణమ్ములా నా తరుణభావన హరిణమ్ములా..

అభినవ తారవో.. అభినయ రసమయ కాంతిధారవో

చరణం 1: ఆ నయనాలు విరిసిన చాలు అమవస నిశిలో చంద్రోదయాలు ఆ నయనాలు విరిసిన చాలు అమవస నిశిలో చంద్రోదయాలు ఆ నెన్నడుము ఆడినచాలు ఆ నెన్నడుము ఆడినచాలు రవళించును పదకవితా ప్రబంధాలు

అభినవ తారవో... నా... అభిమాన తారవో.. అభినవ తారవో.. అభినయ రసమయ కాంతిధారవో అభినయ రసమయ కాంతిధారవో మంజుల మధుకర శింజాల సుమశర శింజినీ శివరంజనీ... శివరంజనీ..

చరణం 2:

నీ శృంగార లలిత భంగిమలో పొంగిపోదురే రుషులైన నీ కరుణరసావిష్కరణంలో కరిగిపోదురే కర్కశులైన వీరమా... నీ కుపిత నేత్ర సంచారమే హాస్యమా నీకది చిటికెలోన వశ్యమే నవరస పోషణ చణవనీ నటనాంకింత జీవనివనీ నిన్ను కొలిచి వున్నవాడ మిన్నులందుకున్నవాడ ఆ.ఆ.ఆ. నే ఆరాధకుడను ఆస్వాదకుడను అనురక్తుడను.నీ ప్రియభక్తుడను

అభినవ తారవో... నా... అభిమాన తారవో.. అభినవ తారవో.. అభినయ రసమయ కాంతిధారవో అభినయ రసమయ కాంతిధారవో మంజుల మధుకర శింజాల సుమశర శింజినీ శివరంజనీ.. శివరంజనీ..