Subhalagnam : Poruginti Mangala Gouri Song Lyrics (పొరుగింటి మంగళగౌరి)

చిత్రం: శుభలగ్నం (1994)

సాహిత్యం: సిరివెన్నెల సీతారామశాస్త్రి

సంగీతం: ఎస్. వి. కృష్ణారెడ్డి

గానం: యస్.పి.బాలసుబ్రహ్మణ్యం , కె.యస్.చిత్ర

పల్లవి:

పొరుగింటి మంగళగౌరి వేసుకున్న గొలుసు చూడు ఎదురింటి పిన్నిగారి కాసులపేరు చూడు ఇరుగు పొరుగువాళ్ళు భలే బాగుపడ్డారు నగా నట్రా టీవీ గట్రా కొనుక్కున్నారు మనకు మల్లే ఎవరు ఉన్నారు ? ఉసూరంటూ ఇలా ఎన్నాళ్ళు ?? మన బతుకేమో ఇట్టా తగలబడింది ఎక్కడ వేసిన గొంగళి అక్కడే ఉంది పక్కాళ్ళ పాడుగోల పట్టించుకోవద్దే పొరుగింటి పుల్లకూర తెగమెచ్చుకోవద్దే నెత్తిన పెట్టుకుచూసే మొగుడు నీకూ ఉన్నాడే అందని పళ్ళకు అర్రులుచాచి అల్లరిపడొద్దే మనకి లేక అదో ఏడుపా ? పరులకుంటే మరో ఏడుపా ?? ఎందుకే ఇట్టా రోజూ మెదడు తింటావు ఇంటిగుట్టంతా వీధిన పెట్టుకుంటావు చరణం:1

కాంతమ్మగారు కట్టే చీర ఖరీదైనా లేదే పాపం..తమ జీతం నేతచీర కట్టుకున్నా కొట్టవచ్చేటట్టు ఉండే అందం..నీ సొంతం ఉత్తిమాటలెన్ని అన్నా నా సరదా తీరదుగా ఉన్నదానితోనే మనం సర్దుకుంటే మంచిదిగా కట్టుకున్నదాని సంబరం..తీర్చడమే పురుషలక్షణం సంపదలోనే లేదు సంతోషం ! చంపకే నన్ను నీ డాబుకోసం !! పొరుగింటి మంగళగౌరి వేసుకున్న గొలుసు చూడు ఎదురింటి పిన్నిగారి కాసులపేరు చూడు చరణం:2

ఫలానావారి మిస్సెసంటూ అంతా మెచ్చుకుంటే మీకే...గొప్ప కాదా ఆ బోడి పదవికని అప్పో తప్పో చెయ్యమంటే ఊళ్ళో...పరువు పోదా కానీకి కొరగాని పరువూ ఓ పరువేనా మగాన్ని తూచేది వాడి పర్సు బరువేనా డబ్బులేని దర్పమెందుకు ? అయ్యో..చేతగాని శౌర్యమెందుకు ?? నీకు మొగుడయే యోగ్యత మనిషికి లేదే ఇనప్పెట్టెనే వరించి ఉండాల్సిందే పొరుగింటి మంగళగౌరి వేసుకున్న గొలుసు చూడు..ఆ ఎదురింటి పిన్నిగారి కాసులపేరు చూడు..ఛా ఇరుగు పొరుగువాళ్ళు భలే బాగుపడ్డారు..ఏడ్సారు నగా నట్రా టీవీ గట్రా కొనుక్కున్నారు మనకి లేక అదో ఏడుపా ? పరులకుంటే మరో ఏడుపా ?? మన బతుకేమో ఇట్టా తగలబడింది ఎక్కడ వేసిన గొంగళి అక్కడే ఉంది ఎందుకే ఇట్టా రోజూ మెదడు తింటావు ఇంటిగుట్టంతా వీధిన పెట్టుకుంటావు

Subhalagnam : Chinuku Chinuku Andelatho Song Lyrics (చినుకు చినుకు అందెలతో)

చిత్రం: శుభలగ్నం (1994)

సాహిత్యం: జొన్నవిత్తుల రామలింగేశ్వర రావు

సంగీతం: ఎస్. వి. కృష్ణారెడ్డి

గానం: యస్.పి.బాలసుబ్రహ్మణ్యం , కె.యస్.చిత్ర

పల్లవి: చినుకు చినుకు అందెలతో చిటపట చిరు సవ్వడితో నీలిమబ్బు కురుల ముడిని జారవిడిచి ఒళ్ళు మరచి వాన జాణ ఆడింది వయ్యారంగా నీళ్ళ పూలు జల్లింది సింగారంగా చినుకు చినుకు అందెలతో చిటపట చిరు సవ్వడితో నీలిమబ్బు కురుల ముడిని జారవిడిచి ఒళ్ళు మరచి వాన జాణ ఆడింది వయ్యారంగా నీళ్ళ పూలు జల్లింది సింగారంగా చరణం:1 నింగి నేల ఈవేళ చలికి వణికిపోతుంటే బిగి కౌగిలి పొదరింటికి పద పదమంది ఈ కౌగిలింతలోన ఏలో గుండెల్లో ఎండ కాసే ఏలో అరె పైన మబ్బు ఉరిమింది పడుచు జింక బెదిరింది వల వేయక సెలయేరై పెనవేసింది అరె చినుకమ్మ మెరుపమ్మ ఏలో చిటికేసే బుగ్గ మీద ఏలో తలపు తొలివలపు ఇక తకజం తకజం వయసు తడి సొగసు అరవిరిసే సమయం ఆహా......... ఊహూ...... ఓహోహోహో......... చినుకు చినుకు అందెలతో చిటపట చిరు సవ్వడితో నీలిమబ్బు కురుల ముడిని జారవిడిచి ఒళ్ళు మరచి వాన జాణ ఆడింది వయ్యారంగా నీళ్ళ పూలు జల్లింది సింగారంగా చరణం:2 మనసు పట్టు తప్పింది వయసు గుట్టు తడిసింది యద లోపల చలిగాలుల సుడి రేగింది వానొచ్చే వరదొచ్చే ఏలో వయసంటే తెలిసోచ్చే ఏలో మేను చూపు పోయింది వాలు చూపు సయ్యంది చలి కోరిక అలవోకగా తల ఊపింది అరె సరసాల సిందులోన ఏలో సరిగంగ తానాలు ఏలో ఒడిలో ఇక ఒకటై తకతకతై అంటే సరసానికి దొరసానికి ముడిపెడుతుంటే ఆహా......... ఊహూ...... ఓహోహోహో......... చినుకు చినుకు అందెలతో చిటపట చిరు సవ్వడితో నీలిమబ్బు కురుల ముడిని జారవిడిచి ఒళ్ళు మరచి వాన జాణ ఆడింది వయ్యారంగా నీళ్ళ పూలు జల్లింది సింగారంగా చినుకు చినుకు అందెలతో చిటపట చిరు సవ్వడితో నీలిమబ్బు కురుల ముడిని జారవిడిచి ఒళ్ళు మరచి వాన జాణ ఆడింది వయ్యారంగా నీళ్ళ పూలు జల్లింది సింగారంగా

Subhalagnam : Chiluka Ye Toduleka Song Lyrics (చిలక ఏ తోడు లేక)

చిత్రం: శుభలగ్నం (1994)

సాహిత్యం: సిరివెన్నెల సీతారామశాస్త్రి

సంగీతం: ఎస్. వి. కృష్ణారెడ్డి

గానం: యస్.పి.బాలసుబ్రహ్మణ్యం

చిలక ఏ తోడు లేక  ఎటేపమ్మ ఒంటరి నడక

తెలిసి అడుగేసినావే ఎడారంటి ఆశల వెనుక

మంగళసూత్రం అంగడి సరుకా కొనగలవా చేయి జారాక

లాభం ఎంతొచ్చిందమ్మా సౌభాగ్యం అమ్మేశాక

చిలక ఏ తోడు లేక  ఎటేపమ్మ ఒంటరి నడక

తెలిసి అడుగేసినావే ఎడారంటి ఆశల వెనుక

గోరింక ఎదే చిలక లేదింక

గోరింక ఎదే చిలక లేదింక

బ్రతుకంతా బలి చేసే పేరాశను ప్రేమించావే

బ్రతుకంతా బలి చేసే పేరాశను ప్రేమించావే

వెలుగుల్నే వెలివేసే కలలోనే జీవించావే

అమృతమే  చెల్లించి  ఆ విలువతో 

హలాహలం కొన్నావే అతి తెలివితో 

కురిసే ఈ కాసుల జడిలో తడిసి నిరు పేదైనావే

కొండంత అండే నీకు లేదింక

కొండంత అండే నీకు లేదింక

అనురాగం కొనగలిగే  ధనముందా  ఈ లోకంలో

మమకారం విలువెంతో మరిచావా సిరి మైకంలో

ఆనందం కొనలేని ధన రాశితో

అనాధలా మిగిలావే అమవాసలో

తీరా నువు కను తెరిచాక  తీరం కనపడదే యింక

చిలక ఏ తోడు లేక  ఎటేపమ్మ ఒంటరి నడక

తెలిసి అడుగేసినావే ఎడారంటి ఆశల వెనుక

మంగళసూత్రం అంగడి సరుకా కొనగలవా చేయి జారాక

లాభం ఎంతొచ్చిందమ్మా సౌభాగ్యం అమ్మేశాక

చిలక ఏ తోడు లేక  ఎటేపమ్మ ఒంటరి నడక

తెలిసి అడుగేసినావే ఎడారంటి ఆశల వెనుక