Allari Priyudu : Cheppaka Ne Chebuthunnadi Song Lyrics (కనులు విప్పి కలువ మొగ్గ జాబిల్లిని చూచెను )

 

చిత్రం: అల్లరి ప్రియుడు (1996)

సంగీతం:  M.M.కీరవాణి

సాహిత్యం: భువనచంద్ర

గానం: బాలసుబ్రహ్మణ్యం, చిత్ర

పల్లవి: కనులు విప్పి కలువ మొగ్గ జాబిల్లిని చూచెను  తమకంతో పాలబుగ్గ తొలిముద్దును కోరెను  తడియారని పెదవులపై  తొణికిన వెన్నెల మెరుపులు  చెప్పకనే..చెప్పకనే..  చెప్పకనే చెబుతున్నవి ఇదే ఇదే ప్రేమని  చెప్పకనే చెబుతున్నవి ఇదే ఇదే ప్రేమని..  చరణం: చిలిపిగ నీ చేతులు అణువణువు తడుముతుంటే  మోహపు తెరలిక తొలిగేనా...అహా..అహా..అహ  చలి చలి చిరు గాలులు గిలిగింత రేపుతుంటే  ఆశల అల్లరి అణిగేనా..అహా..అహా..అహా  పదాలతోనే వరించనా  సరాగ మాలై తరించనా  స్వరాలతోనే స్పృశించనా  సుఖాల వీణ శృతించనా  ఆ వెన్నెల నీ కన్నుల  రేపెక్కిన ఆ కోరిక  పొగలై సెగలై యెదలో రగిలిన క్షణమే....ఏ..ఏ..ఏ  చెప్పకనే..చెప్పకనే..  చెప్పకనే చెబుతున్నవి యిదే యిదే ప్రేమని  చెప్పకనే చెబుతున్నవి యిదే యిదే ప్రేమని  చరణం : తనువును పెనవేసిన నీ చీరకెంత గర్వం  యవ్వన గిరులను తడిమెననా  నీ కౌగిట నలిగినందుకే అంత గర్వం  మదనుడి మలుపులు తెలిసెననీ  తెల్లారనీకే ఒయ్యారమా  అల్లాడిపోయే యీ రేయిని  సవాలు చేసే శృంగారమా  సంధించమాకే ఓ హాయిని  ఆ మల్లెల కేరింతలు  నీ నవ్వుల లాలింతలు  వలలై అలలై ఒడిలో ఒదిగిన క్షణమే  చెప్పకనే..చెప్పకనే..  చెప్పకనే చెబుతున్నవి యిదే యిదే ప్రేమని  చెప్పకనే చెబుతున్నవి యిదే యిదే ప్రేమని