చిత్రం: ఈ అబ్బాయి చాలా మంచోడు (2003)
సంగీతం: M.M.కీరవాణి
గానం: కళ్యాణి మాలిక్, సునీత
పల్లవి:
చందమామ కథలో చదివా రెక్కల గుర్రాలుంటాయని
నమ్మడానికి ఎంత బాగుందో !!
బాలమిత్ర కథలో చదివా పగడపు దీవులు ఉంటాయని
నమ్మడానికి ఎంత బాగుందో !!
నాకోసం రెక్కల గుర్రం ఎక్కివస్తావని
పగడపు దీవికి నువ్వే నన్ను తీసుకెళ్తావని
ఇక ఏనాటికీ అక్కడే మనము ఉంటామనీ
నమ్మడానికి ఎంత బాగుందో (2)
నువ్వే నాకు ముద్దొస్తావనీ
నేనే నీకు ముద్దిస్తాననీ
నమ్మడానికి ఎంత బాగుందో (2)
చరణం1:
వరహాల బాటలోన రతనాల తోటలోన
వజ్రాల మేడలోన బంగరు గదిలోన
విరితేనెల్లో పాలల్లో తానాలాడేసి
నెలవంకల్లో వెన్నెల్లే భోంచేసి
నలుదిక్కుల్లో చుక్కల్లే చిలకలు చుట్టేసి
చిలకే కొరికి దరికే జరిగి మురిపెం పెరిగి
మరి నువ్వే నాకు ముద్దిస్తావనీ
ముద్దుల్లోన ముద్దౌతాననీ
నమ్మడానికి ఎంత బాగుందో (2)
చందమామ కథలో చదివా రెక్కల గుర్రాలుంటాయని
నమ్మడానికి ఎంత బాగుందో (2)
చరణం2:
ఎగిరేటి ఏనుగొచ్చి పలికేటి జింకలొచ్చి
నడిచేటి చేపలొచ్చి అడవికి రమ్మనగా
ఆ కోనల్లో కొమ్మల్లో ఉయ్యాలూగేసి
ఆ కొమ్మల్లో పళ్ళన్నీ రుచిచూసి
అహ కళ్ళల్లో మైకంతో మోహం కమ్మేసి
చలిగా గిలిగా తొలిగా త్వరగా అటుగా ఇటుగా
మరి నువ్వే నాకు ముద్దిస్తావనీ
తడివేదాలు ముద్రిస్తావనీ
నమ్మడానికి ఎంత బాగుందో
నీకోసం రెక్కల గుర్రం ఎక్కివస్తానని
పగడపు దీవికి నిన్నే నేను తీసుకెళ్తానని
ఇక ఏనాటికీ అక్కడే మనము ఉంటామనీ
నమ్మడానికి ఎంత బాగుందో (2)
కామెంట్‌లు లేవు:
కామెంట్‌ను పోస్ట్ చేయండి