Kula Gothralu : Chilipi Kanula Thiyyani Chelikadaa Song Lyrics (చిలిపికనుల తీయని)

చిత్రం: కుల గోత్రాలు (1962)

సాహిత్యం: సి. నారాయణ రెడ్డి

గానం: ఘంటసాల, పి. సుశీల

సంగీతం: సాలూరి రాజేశ్వర రావు

పల్లవి:

చిలిపికనుల తీయని చెలికాడ నీ నీడను నిలుపుకొందురా... నిలుపుకొందురా వెల్గుల మేడ నీలికురుల వన్నెల జవరాల నీ కౌగిట నిలుపుకొందునే పూల ఉయ్యాల

చరణం 1:

కనుల ముందు అలలు పొంగెను ఓ.... మనసులోన కలలు పండెను అలలే కలలై కలలే అలలై అలలే కలలై కలలే అలలై గిలిగింతలు సలుపసాగెను            

చిలిపికనుల తీయని చెలికాడ నీ నీడను నిలుపుకొందురా...

చరణం 2:

కొండలు కోయని పిలిచినవి  ఆ.... గుండెలు హోయని పలికినవి   

కొండలు కోయని పిలిచినవి  ఆ.... గుండెలు హోయని పలికినవి  కోరికలన్నీ బారులు తీరి

కోరికలన్నీ బారులు తీరి గువ్వలుగా ఎగరుతున్నవి          

నీలికురుల వన్నెల జవరాల నీ కౌగిట నిలుపుకొందునే పూల ఉయ్యాల

చరణం 3:

జగము మరచి ఆడుకొందమా  ఆ... ప్రణయగాతి పాడుకొందమా

జగము మరచి ఆడుకొందమా  ఆ... ప్రణయగాతి పాడుకొందమా నింగీనేలా కలిసిన చోట 

నింగీనేలా కలిసిన చోట నీవు నేను చేరుకొందమా    

చిలిపికనుల తీయని చెలికాడ నీ నీడను నిలుపుకొందురా...