Moodu mullu : Leta Chaligalulu Song lyrics (లేత చలి గాలులూ)

చిత్రం : మూడుముళ్ళు(1983)

సంగీతం : రాజన్-నాగేంద్ర సాహిత్యం : జ్యోతిర్మయి

గానం: యస్.పి.బాలసుబ్రహ్మణ్యం,పి. సుశీల

లేత చలి గాలులూ హొయ్ దోచుకోరాదురా చలి వెలుగు వెన్నెలలు నిను తాకగా తగవురా లేత చలి గాలులూ హోయ్ దోచుకోలేవులే మన వలపు వాకిలిని అవి తాకగలేవులే లేత చలి గాలులూ హొయ్ దోచుకోరాదురా అందాల నా కురులతో వింజామరలు వీచనా అందాల నా కురులతో వింజామరలు వీచనా రాగం భావం స్నేహం మోహం నిన్నే వేడనా నీ కురులవీవనలకు నా హృదయమర్పించనా రూపం దీపం శిల్పం నాట్యం నీలో చూడనా కనుల భాష్పాలు హహహ కలల భాష్యాలు లలలా ఒహొహో వలపుగా సాగి వలలుగా మూగి కాలాన్ని బంధించగా లేత చలి గాలులు హొయ్ దోచుకోరాదురా చలి వెలుగు వెన్నెలలు నిను తాకగా తగవురా లేత చలి గాలులు దోచుకోలేవులే అధరాల కావ్యాలకు ఆవేశమందించనా అధరాల కావ్యాలకు ఆవేశమందించనా వలపే పిలుపై వయసే ముడుపై నిన్నే చేరనా మందార ముకుళాలతో పాదాలు పూజించనా అలనై కలనై విరినై ఝురినై నిన్నే కోరనా హృదయనాదాల హా.హా.హా.. మధురరాగాల..హాయ్ లలలా చిగురు సరసాల నవవసంతాల విరులెన్నో అందించగా లేత చలి గాలులు దోచుకోలేవులే మన వలపు వాకిలిని అవి తాకగలేవులే  ఆఅహాహాహా..ఊహు..హూ.హు.హు..