Shiva : Enniyallo Song Lyrics (ఎన్నియల్లో మల్లియల్లో )

చిత్రం: శివ (1989)

సాహిత్యం: వేటూరి సుందరరామ మూర్తి

గానం: యస్.పి.బాలసుబ్రహ్మణ్యం , కె.యస్.చిత్ర

సంగీతం: ఇళయరాజా

పల్లవి : ఎన్నియల్లో మల్లియల్లో ఎన్నెన్ని అందాలో కవ్వింతల్లో తుళ్లింతల్లో ఎన్నెన్ని కావ్యాలో ఒంపుల్లో ఉన్న హంపి శిల్పాలు ఒళ్లంటుకుంటే చాలు నాట్యాలు శృంగార వీణరాగాలే... హోయ్ ॥

ఎన్నియల్లో మల్లియల్లో ఎన్నెన్ని అందాలో కవ్వింతల్లో తుళ్లింతల్లో ఎన్నెన్ని కావ్యాలో చరణం : 1 సిగ్గేయగా బుగ్గ మొగ్గ మందార ధూళే దులిపే జారేసినా పైటంచునా అబ్బాయి కళ్లే నిలిపే సందిళ్లకే చలివేస్తుంటే అందించవా సొగసంతా ఒత్తిళ్లతో ఒలికేస్తుంటే వడ్డించనా వయసంతా వెలుగులో కలబడే కలలు కన్నా తనువులో తపనలే కదిపినా కథకళిలోన ॥

ఎన్నియల్లో మల్లియల్లో ఎన్నెన్ని అందాలో కవ్వింతల్లో తుళ్లింతల్లో ఎన్నెన్ని కావ్యాలో

చరణం : 2 ఈ చీకటే ఓ చీరగా నా చాటు అందాలడిగే ఈ దివ్వెలా క్రీనీడలే నీ సోకులన్నీ కడిగే నీ మబ్బులే గుడి కడుతుంటే జాబిల్లిలా పడుకోనా తబ్బిబ్బుతో తడబడుతుంటే నీ గుండెలో నిదరోనా ఉదయమే అరుణమై ఉరుముతున్నా చెదరనీ నిదరలో కుదిరిన పడకలలోన ॥

ఎన్నియల్లో మల్లియల్లో ఎన్నెన్ని అందాలో కవ్వింతల్లో తుళ్లింతల్లో ఎన్నెన్ని కావ్యాలో ఒంపుల్లో ఉన్న హంపి శిల్పాలు ఒళ్లంటుకుంటే చాలు నాట్యాలు శృంగార వీణరాగాలే... హోయ్ ॥