Aahwanam : Devathalaara Randi Song Lyrics (దేవతలారా రండి)

చిత్రం : ఆహ్వానం (1997 )

గానం: ఎస్. పి. బాలసుబ్రహ్మణ్యం, కె.యస్.చిత్ర

రచయిత : సిరివెన్నెల సీతారామశాస్త్రి

సంగీతం : ఎస్. వి. కృష్ణారెడ్డి

పల్లవి  :

దేవతలారా రండి మీ దీవెనలందించండీ నోచిన నోములు పండించే నా తోడును పంపించండీ కలలో ఇలలో ఏ కన్యకి ఇలాంటి పతిరాడనిపించే వరుణ్ణే వరముగ ఇవ్వండీ కనివిని ఎరుగని వేడుకతో వివాహం జరిపించాలండీ కలలో ఇలలో ఏ కన్యకి ఇలాంటి పతిరాడనిపించే వరుణ్ణే వరముగ ఇవ్వండీ కనివిని ఎరుగని వేడుకతో వివాహం జరిపించాలండీ

చరణం 1 :

ఓ... శివపార్వతులేమో ఈ దంపతులనిపించాలి ప్రతి సంసారంలోనూ మా కథలే వినిపించాలి ఆ సిరిని శ్రీహరిని మా జతలో చూపించాలి శ్రీకాంతుల కొలువంటే మా కాపురమనిపించాలి మా ముంగిలిలోన పున్నమి పూలవెన్నెల విరియాలి మా చక్కని జంట చుక్కలతోట పరిపాలించాలి

చరణం 2:

ఆ... తన ఎదపై రతనంలా నిను నిలిపే మొగుడొస్తాడు నీ వగలే నగలంటూ గారాలే కురిపిస్తాడు తన ఇంటికి కళతెచ్చే మహాలక్ష్మిగా పూజిస్తాడు తన కంటికి వెలుగిచ్చే మణిదీపం నీవంటాడు ఈ పుత్తడిబొమ్మ మెత్తని పాదం మోపిన ప్రతిచోట నిధినిక్షేపాలు నిద్దురలేచి ఎదురొచ్చేనంట