Bhakta Tukaram : Unnava Asalunnavaa Song Lyrics (ఉన్నావా… అసలున్నావా)

చిత్రం: భక్త తుకారాం (1973)
సాహిత్యం: దాశరధి
గానం: ఘంటసాల
సంగీతం: పి. ఆదినారాయణ రావు

ఉన్నావా… అసలున్నావా ఉంటే కళ్ళుమూసుకున్నావా… ఈ లోకం కుళ్ళు చూడకున్నవా ఉన్నావా… అసలున్నావా ఉంటే కళ్ళుమూసుకున్నావా… ఈ లోకం కుళ్ళు చూడకున్నవా ఉన్నావని కనుగొన్నామని మున్నెందరెందరో అన్నారు ఉన్నావని చూస్తున్నావని నమ్మి ఎందరో ఉన్నారు ఉన్నావా… అసలున్నావా నీ పేరిట వంచన పెరుగుతువుంటే… నీ ఎదుటే హింసలు జరుగుతు వుంటే మనిషిని మనిషి దోస్తూవుంటే… మంచికి సమాధి కడుతూ వుంటే రాతి బొమ్మవై నిలిచావు.. చాతగాని వాడనిపించావు ఉన్నావా… అసలున్నావా నీ భక్తుడ నయ్యాను.. నిత్య దరిద్రుడనయ్యాను నీ భక్తుడ నయ్యాను.. నిత్య దరిద్రుడనయ్యాను సేవలు చేశాను.. నా బ్రతుకే నైవేద్యం చేశాను చేసిన మేలునుమరిచేవాడా.. నువ్వా దేవుడివి.. నువ్వొక వ్యర్థుడివి నీకొక పేరూ లేదు.. రూపం లేదు .. నీతి లేదు.. నియమం లేదు.. నిజానికి నువ్వే లేవు.. లేవు.. లేవు.. లేవు

Bhakta Tukaram : Padavelli Pothundi Raa Song Lyrics (పడవెళ్ళిపోతుందిరా...)

చిత్రం. : భక్త తుకారాం (1973)

సంగీతం : ఆదినారాయణ రావు

గానం : వి రామకృష్ణ

రచన : దాశరథి

పడవెళ్ళిపోతుందిరా...

పడవెళ్ళిపోతుందిరా ఓ మానవుడా దరి చేరే దారేదిరా నీ జీవితము కెరటాల పాలాయెరా పడవెళ్ళిపోతుందిరా.. తల్లిదండ్రి అతడే నీ ఇల్లు వాకిలతడే తల్లిదండ్రి అతడే నీ ఇల్లు వాకిలతడే ఆ పాండురంగడున్నాడురా నీ మనసు గోడు వింటాడురా నీ భారమతడే మోసేనురా ఓ యాత్రికుడా నిన్నతడే కాచేనురా.. పడవెళ్ళిపోతుందిరా... బుడగవంటి బ్రతుకు ఒక చిటికెలోన చితుకు బుడగవంటి బ్రతుకు ఒక చిటికెలోన చితుకు ఇది శాశ్వతమని తలచేవురా నీవెందుకని మురిసేవురా నువు దరిచేరే దారి వెతకరా ఓ మానవుడా.. హరినామం మరువవొద్దురా.. పడవెళ్ళిపోతుందిరా... అనిగి మనిగి ఉండేవారే అందరిలోకి ఘనులు హొహోయ్ అనిగి మనిగి ఉండేవారే అందరిలోకి ఘనులు దొడ్డ మానులను కూల్చు తుఫాను గడ్డి పరకను కదల్చగలదా.. కదల్చగలదా... చిన్న చీమలకు చెక్కర దొరకును గొప్ప మనిషికి ఉప్పే కరువు.. ఉప్పే కరువు... అణకువ కోరే తుకారాముని మనసే దేవుని మందిరము మనసే దేవుని మందిరము హోయ్ అనిగి మనిగి ఉండేవారే అందరిలోకి ఘనులు హొహోయ్ అనిగి మనిగి ఉండేవారే అందరిలోకి ఘనులు

Bhakta Tukaram : Ghana Ghana Sundaraa Song Lyrics (ఘనాఘన సుందరా)

చిత్రం: భక్త తుకారాం (1978)

సంగీతం: పి. ఆదినారాయణరావు

సాహిత్యం: దేవులపల్లి కృష్ణశాస్త్రి

గానం: ఘంటసాల

పల్లవి:

హరి ఓం... హరి ఓం... హరి ఓం... ఆ... ఆ... ఆ... ఘనాఘన సుందరా కరుణా రసమందిరా ఘనాఘన సుందరా కరుణా రసమందిరా అది పిలుపో మేలుకొలుపో నీ పిలుపో మేలుకొలుపో అది మధుర మధుర మధురమౌ ఓంకారమో పాండురంగ... పాండురంగ... ఘనాఘన సుందరా కరుణా రసమందిరా చరణం 1: ప్రాభాత మంగళపూజావేళ నీ పద సన్నిధి నిలబడి... నీ పదపీఠిక తలనిడి ప్రాభాత మంగళపూజావేళ నీ పద సన్నిధి నిలబడి... నీ పదపీఠిక తలనిడి నిఖిల జగతి నివాళులిడదా... నిఖిల జగతి నివాళులిడదా వేడదా... కొనియాడదా... పాండురంగ... పాండురంగ... ఘనాఘన సుందరా కరుణా రసమందిరా చరణం 2: గిరులూ ఝరులూ విరులూ తరులూ... నిరతము నీ పాద ధ్యానమే... నిరతము నీ నామ గానమే గిరులూ ఝరులూ విరులూ తరులూ నిరతము నీ పాద ధ్యానమే... నిరతము నీ నామ గానమే సకల చరాచర లోకేశ్వరేశ్వరా... సకల చరాచర లోకేశ్వరేశ్వరా శ్రీకరా... భవహరా...పాండురంగ... పాండురంగ... ఘనాఘన సుందరా కరుణా రసమందిరా ఘనాఘన సుందరా కరుణా రసమందిరా పాండురంగ... పాండురంగ... పాండురంగ... పాండురంగ... పాండురంగ... పాండురంగ... పాండురంగ... పాండురంగ... పాండురంగ... పాండురంగ... పాండురంగ... పాండురంగ...